Hiob 27:2 - O Debleskro Drom 2021 (Sinte)

² O Dewel kras, te lap gar miro tchatchepen. O sorelo Dewel kras miro djipen shutlo. Me dau man sowel pash o djido Debleste:

O Debleskro Lab 2024 (Sinte-Manouche)

² O Devel kras, te lap gar miro čačepen. O zorelo Devel kras miro djipen shoutlo. Me dau man sovel pash o djido Debleste:

Hiob 27:2 ပူးပေါင်းရင်းမြစ်များ

2. Samuel 2:27

O Joab penas: “Pash o Debleste, kowa hi tchatcho! Te penals tu kowa gar, tradans mire mursha tire murshen glan pende bis o wawar diwes taissarlakro.”

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:15

O Elija penas: “Me dau man sowel pash o baro Debleste, ko rajeste pral o bolepen un i phub, glan koleste me tardo hom: Kau diwes sikrau man me glan o Ahabeste.”

2. Rajengro liil 4:27

Har joi pash o Debleskro mursheste ap koi berga was, tapras joi leskre herja trujel. O Gehasi was, te dell lo lat i spildini. Koi penas o Debleskro mursh: “Muk lat! Lake hi ropaske, un me djinau gar hoske. O baro Dewel penas mange tchi, hoi djas.”

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 16:11

Miro Dewel das man o tchilatchenge an i wasta, kolenge, kai kamenn lestar tchi te djinell.

Hiob 19:6

Dikenn tumer gar dren, te hi kowa o Dewel, kai djas gar mishto mantsa trujel? Hi jaake, har te taprals lo man an i netsa.

Hiob 23:16

Awa, o Dewel kras miro dji darenes, o sorelo Dewel kras mange bari traash.

Hiob 34:5

O Hiob penas: “Me hom an o tchatchepen tardo. Un miro tchatchepen las o Dewel mandar krik.

Hiob 35:2

Patseh, te hi kowa tchatcho, hoi penal? Tu penal: “Me hom an o tchatchepen glan o Debleste.”

Hiob 40:8

Kameh tu tchatchepah te penell, me djau gar pal o tchatchepen? Peneh, te anom me doosh ap mande, te nai wess tu koi tardo, har te wals tut tchatches?

Hiob 9:17

Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

Hiob 9:18

Job mukell man gar jek kopo ducho te lell, na-a, job krell man pherdo ropen un duk.

Jesaja 40:27

Hoske penenn tumer Israelitarja, tumer, kai wenna pal o Jakob: “O baro Dewel prindjrell men buder gar. Maro Dewel dikell gar koi pre, te well men maro tchatchepen.”

Jeremia 12:16

Jon sikran mire menshende, har te denn le pen sowel ap o debleste Baal. Kanna well jaake: Te mukenn jon pen mire menshendar te sikrell, har te denn jon pen ap miro lab sowel, un penenn: Pash o djido Debleste … palle mukau len mashkral mire menshende te djiwell.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Jeremia 5:2

Ninna te denn jon pen sowel pash o djido Debleste, hi kowa chochepen.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

4. Mose 14:21

Jek koowa hi jaake tchatcho har me djiwau, un i tseli phub pherdo miro railepen well:

Ruth 3:13

Atch kai rat kai. Taissarlake putchau lestar. Te kamell lo tuke koi te well, hi kowa mange mishto. Te kamell lo gar, krau me kowa. Kowa dau me man sowel pash o djido Debleste. Kanna atch tchiddo bis taissarlake!”

1. Samuel 14:39

Ninna te wals kowa miro tchawo Jonatan, hunte merals lo. Kowa dau me man sowel pash o djido Debleste, kai ap o Israeleskri rig hi.” Un kek i tsele lurdendar penas tchomone.

1. Samuel 14:45

I Israeleskre mursha penan ap o Saul: “Hunte merell o Jonatan, kai ko baro koowa kras un las o Israel win? Kowa krah mer gar! Pash o djido Debleste dah men sowel: Kek bal te perell tele leskro sherestar! O Dewel his ap leskri rig, doleske nai kras job kau diwes sau baro kowa.” Jaake lan i mursha o Jonatanes win dran o merepen. Un job was gar maredo.

1. Samuel 20:21

Un bitchrau i tchawes koi, te rodell lo len. Te dau ap leste gole: ‘Jon hi gar dur tutar. Dja un an len!’ Palle am! Lauter hi mishto trul tute tardo. Un tut hunte well kek daar. Kowa dau me man sowel pash o djido Debleste.

1. Samuel 25:26

Un kanna, miro rai, me dau man sowel glan o djido Debleste un glan tute: O baro Dewel rikras tut pale, te aness tu rat ap tute un dess tiro wasteha pale, hoi o Nabal ap tute kras. Kamau, te djal lauterenge, kai kamenn tut tchilatchepen, jaake har o Nabaleske!

1. Samuel 25:34

Me dau man sowel pash o baro Debleste, ko Debleste pral o Israel, kai rikras man kau diwes pale, te krap tut tchilatchepen: Tu te wals gar sik pash mande, atchals kek i murshendar o Nabalestar djido, te djal o kham pre taissarlakro!”