Hiob 24:5 - O Debleskro Drom 2021 (Sinte)

⁵ Jaake har i diwje burike hunte djan le an o mulo tato them, te rodenn le chapen, kote, kai gar bud bares well, te hi len tchomone, hoi denn le pengre tchawen te chal.

O Debleskro Lab 2024 (Sinte-Manouche)

⁵ Yaake har i divye bourike hounte djan le an o moulo tato them, te rodenn le rhapen, kote, kay gar boud bares vell, te hi len čomone, hoy denn le pengre čaven te rhal.

Hiob 24:5 ပူးပေါင်းရင်းမြစ်များ

1. Mose 16:12

Tiro tchawo wella i mensho har i diwji burika. Job kurell pes hakeneha. Un hakeno kurell pes leha. Job lell peske i kotar them gar dur peskre phralendar, te choirell lo len.”

1. Mose 27:40

Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

Hiob 12:6

I khera kolendar, kai i wawaren sorjah tele rikrenn, hi soreles tardo. Un kek krell kolenge daar, kai krenn sawo koowa te well o Dewel chojedo, Jon patsenn, te hi len o Dewel an pengro wast.

Hiob 24:14

Glan te djal o kham pre, stell o marepaskro pre un marell o tchorweles, koles tchi hi. Un rati djal o marepaskro trujel, te tchorell lo.

Hiob 24:6

Ap i hachetikri phub wawarendar rodenn le djob, hoi pral atchas. Un i drakengre rukendar, hoi i brawelen hi, lenn le penge kol drake, hoi bistedo wan.

Hiob 5:5

Ko djob, hoi job tchinas un dren anas, kowa chan kolla pre, hoi bokenn. Ninna kowa, hoi mank i subjengre burra bares was, lan le penge. Bokle menshe chan leskro brawlepen.

Debleskri gili 104:23

Palle djan i menshe win ap pengri budi un budrenna bis ap i rat.

Gosewe laba 4:16

Kol menshe nai sowenn gar jaake rah bis te kran le tchomone tchilatcho. Lenge well o sopen randedo, te anan le gar jekes an i bibacht.

Jeremia 2:24

har i diwji burika an o mulo them, te dell joi gole un nashell trujel an lakro bipandlo tsiro, un kek nai rikrella pre. Koon lat kamell, hunte rodell gar dur. Joi mukell pes sik te hatsell an ko tsiro.

Hosea 7:6

An ko tsiro, kai lenn le penge tchilatcho koowa glan, hi lengro dji tato har i bob. I tseli rati sowell lengri choli, taissarlake chatchell li pre har i bari jag.

Hosea 8:9

Jon djan pral an o them Assur kutch koweha. I diwji burika atchell peske kokres. O Efrajim kamell malen peske te ginell.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

Zefanja 3:3

Lengre pralstune hi har lewe, kai denn i bari gole. Lengre tchatchepangre mursha hi har diwje djukle an i rati, kai chan lauter, hoi maran le, un mukenn tchi pral o wawar diweske.

Johanni 18:28

Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.

Bičepangre 23:12

Taissarlake wan budeder har star-deesh bibolde khetne, un dan pen sowel, te chan le un te pijenn le tchi jaake rah, bis te jon o Paules maran.