Hiob 24:4 - O Debleskro Drom 2021 (Sinte)

⁴ Jon tradenn i tchorwelen o dromestar tele. Un kolen tchi hi, kolla hunte khatrenn pen lendar.

O Debleskro Lab 2024 (Sinte-Manouche)

⁴ Yon tradenn i čorvelen o dromestar tele. Oun kolen či hi, kolla hounte khatrenn pen lendar.

Hiob 24:4 ပူးပေါင်းရင်းမြစ်များ

Hiob 24:14

Glan te djal o kham pre, stell o marepaskro pre un marell o tchorweles, koles tchi hi. Un rati djal o marepaskro trujel, te tchorell lo.

Hiob 29:12

Me wom ko tchorweleske ap i rig, kai ap mande gole das. Un ko tchawo, koleskro dad meras, un leske kek buder koi his, koleske homs me koi.

Hiob 29:16

O tchorweleske homs me har i dad, un lom koleskro koowa an o wast, kai i wi-themari his.

Hiob 30:25

Me rowom kolenge, kai len sawe phare diwessa his. Un miro dji dukas, har dikom ko tchorweles.

Hiob 31:16

Dom me gar o tchorweles kowa, hoi lo mandar mangas? Wom me gar koi djuwjake ap i rig, kolakro rom meras, un kai gar doha djipaske his?

Hiob 31:19

Te dikom jekes, kai jaake tchorwelo his, te his les kek ripen, te tatsrell lo pes,

Debleskri gili 109:16

Job kras kek latchepen i wawarenge. I tchorwelen un bibachtelen las job palla, ninna koles, kai les kek soor buder his, te dell lo les mulo.

Debleskri gili 41:1

I gili o rajeske pral i gipangre. O David kras kai gili.

Gosewe laba 14:31

Koon sorjah i tchorweles tele rikrell, kowa praassell koles, kai o tchorweles kras. Kones leske i baro dji hi, sharell o Debles.

Gosewe laba 22:16

Kowa, kai rikrell i tchorweles tele, te well job kokres brawleder, ninna kowa, kai dell i braweles tchomone, kowa krell, te well lo kokres tchorwelo.

Gosewe laba 28:12

Te hi kolen penepaske, kai an o tchatchepen tardo hi, palle hi bachtelo tsiro. Te well i tchilatchen penepaske, palle khatrenn pen i menshe.

Gosewe laba 28:28

I tchilatche, te wenn le raja, palle khatrenn pen i menshe. Jon te merenn, palle wenn kolla budeder, kai o tchatchepen krenn.

Gosewe laba 30:14

Hi menshe koi, kolengre danda dukrenn har chare un tchinenn har tchurja. Un jon chan i tchorwelen an o them, un kolen, kai lenge kek ap i rig well.

Jesaja 10:2

An i tchorwelengro koowa rakrenn le kek tchatchepen win. Un kolenge, kai gar an-dikle hi mank mire menshende, lenn le kowa krik, hoi lenge pal o tchatchepen hi. Jon lenn kowa krik, hoi i djuwjen hi, kolengre romma meran, un tchorenn i tchawen win, kolen kek dad buder hi.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Ezekiel 18:18

Leskro dad, kowa, kai chochras i wawaren, un las peske sorjah, hoi i wawares hi, un kras wawar tchilatcho koowa mank peskre menshende, kowa hunte merell ko tselo tchilatchepaske, hoi lo kras.

Ezekiel 22:29

I menshe an Israel chochenn un randenn wawaren. Jon rikrenn kolen tele, kai tchorwelo hi, un kolen gar doha djipaske hi. Ninna i wi-themarjen, kai mank lende djiwenn, rikrenn le sorjah tele, un denn len gar pengro tchatchepen.

Amos 2:7

Jon stakrenn i tchorwelen an i tchik, un i tiknen dran o drom. Doleske lenn le pengri phagi, un khaitenn man gar. I mursh un peskro dad djan dren pash i emligi djuwjate. Jaake anenn le ladj ap mande.

Amos 4:1

Shunenn kau lab, tumer romja i pralstunendar pral o foro Samaria! Tumer han har i thulle grumja ap i berge Bashan. Tumer krenn i tchorwelenge tchilatchepen, rikrenn i tiknen tele, un penenn ap tumare romende: Anenn menge mool, te pijas mer!