Hiob 24:1 - O Debleskro Drom 2021 (Sinte)

¹ Hoske dell o sorelo Dewel kek tsirja, kai rakrell lo o tchatchepen win pral i tchilatchende? Kolla, kai les prindjrenn, dikenn gar, har un kaana job kowa krell.

O Debleskro Lab 2024 (Sinte-Manouche)

¹ Hoske dell o zorelo Devel kek tsirya, kay rakrell lo o čačepen vin pral i čilačende? Kolla, kay les prindjrenn, dikenn gar, har oun kaana yob kova krell.

Hiob 24:1 ပူးပေါင်းရင်းမြစ်များ

1. Mose 18:17

Koi penas o baro Dewel peske: “Penap me o Abrahameske gar, hoi me kamau te krell? Na-a!

1. Mose 7:4

An efta diwessa mukau me brishin tele te well ap i phub: star-desha diwessa un star-desha rati, jaake te merell ap i phub o tselo djipen, hoi krom.”

Hiob 15:20

I tchilatcho mensho marell pes tele i darjatar peskro tselo djipen. Kowa, kai i wawaren tele rikrell, hi gar bud bersha glan leste.

Debleskri gili 31:15

Baro Dewel, me rikrau man ap tute. Miro Dewel hal tu.

Debleskri gili 36:10

Tu hal o djido pani, hoi newo djipen della. Tu hal i momeli maro djipaske.

Debleskri gili 9:10

I bibachtele nai khatrenn pen pash leste, un job rikrell peskro wast pral lende, un dell jak ap lende an phare tsirja.

Sikepaskro 3:17

Kote penom mange: O Dewel rakrell o tchatchepen win pral koleste, kai djiwell an o tchatchepen, un pral koleste, kai djiwell an o tchilatchepen. Hako koowa, un halauter, hoi jek krell, koleske dell i tchatcho tsiro.

Jesaja 2:12

Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jesaja 60:22

Ninna dran tiri tikneder familja wenn jek sero menshe. Un i familjatar, hoi gar an-diklo hi, well i soreli natsjona. Me, o baro Dewel, krau kowa peskro tsireske sik.

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Daniel 2:21

Job hi o rai pral o tsiro, un dell hakeneste peskro tsiro; job lell i bare rajendar lengro them, un tchiwell wawar rajen dren; job dell i gosewen lengro goswepen un kolen, kai haiwenn tchomone, das job an o shero, te nai haiwenn le.

Obadja 1:15

O diwes well sik, kai well miri choli pral i tsele themma ap kai phub, penell o baro Dewel. Jaake har tu kral, jaake well tuke kerdo. Kowa hoi tu kral, well ap tiro shero pale.

Zefanja 1:7

Ma rakrenn tchi, te wenn glan o baro Debleste, maro rajeste! Ko diwes well sik, kai well o baro Debleskri choli pral i menshende. Kau diwes hi har i marepaskro diwes, kai viechen maredo wenn o Debleske un i chapen kerdo well. O baro Dewel kras ko chapen un das menshen khetne gole, te wenn le pash o chapen.

Mateo 24:38

Glan ko tsiro, har o baro pani was, chan un pijan le, romedineran le, un wan romedino. Har o Noah an o panjeskro kheer djas,

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Bičepangre 17:26

Ko Dewel kras ko jek menshes, o Adames. Kolestar wan i tsele menshe an hake themma ap i phub. Job das len i tsiro, har rah jon djiwenna, un ninna an hawo them jon djiwenna.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

1. Tessalonikarja 5:1

Mire phrala, mer hunte tchinas tumenge tchi pral ko tsiro, kai kowa lauter wella.

1. Timoteo 4:1

O Debleskro Ducho penell menge, te perenn i menshe o Debleskro dromestar tele an ko tsiro, hoi wella. Jon shunenn ap o chochepen, un ap kowa, hoi wella o bengestar.

1. Timoteo 6:15

Job wella ap o tchatcho tsiro. Ko tsiro djinell o Dewel. Koles sharah mer! Job kokres hi o baro rai, un bareder un sorleder har lauter. Job hi ko baro rai pral i tsele rajende.

2. Petro 2:3

Kol chochene sikepangre kamenn tumen chochene labentsa ap pengri rig te anell, te lenn le lowe tumendar. O Debleskri choli well tchatchepah pral lende, un lengri bibacht wella sik.