Hiob 23:13 - O Debleskro Drom 2021 (Sinte)

¹³ Job atchell koon job hi. Koon nai anell les kolestar krik, hoi lo kamell te krell? Kowa, hoi kamell lo te krell, kowa krell lo.

O Debleskro Lab 2024 (Sinte-Manouche)

¹³ Yob ačell koon yob hi. Koon nay anell les kolestar krik, hoy lo kamell te krell? Kova, hoy kamell lo te krell, kova krell lo.

Hiob 23:13 ပူးပေါင်းရင်းမြစ်များ

Hiob 10:13

Ninna te his jaake, djinau, khatedo an tiro dji his tut tchomone wawar mantsa glan:

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Hiob 11:10

Te well job un pandell jekes, un anell les glan i tsillo, te krell lo o tchatchepen pral leste win, koon nai rikrals les pale?

Hiob 12:14

Kowa, hoi job tele phagas, nai tchiwell kek pale pre. Kones job dren pandas, koleske nai krell kek pale pre.

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Hiob 23:14

Awa, job krell kowa dureder, hoi les mantsa glan his. Un les hi bud koowa mange an peskro dji.

Hiob 34:29

Te rikrell pes o Dewel pale, nai penell kek leske: ‘Tu anal doosh ap tute!’ Te khatrell lo pes, nai dikell les kek. Hoi nai krenn i menshe, hoi nai krell i natsjona,

Debleskri gili 115:3

Maro Dewel hi an o bolepen, un job nai krell lauter, hoi lo kamella.

Debleskri gili 135:6

Lauter, hoi job kamell te krell, krell lo an o bolepen un ap i phub, an o baro pani, un an o telstunepen.

Gosewe laba 19:21

Bud koowa hi, hoi i mursh peske glan lell an peskro dji; kokres kowa wella, hoi o baro Debles glan hi jekeha.

Sikepaskro 1:15

Tu nai kreh gar tchatcho, hoi bango hi. Un hoi gar koi hi, nai well gar ginlo.

Sikepaskro 3:14

Me haiwom, kai halauter, hoi o Dewel krella, hako tsireske atchella. Kek mendar nai krell tchomone pashel, un kek mendar nai lell tchomone krik. Kowa halauter krell o Dewel, te sharas mer les.

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Jesaja 46:11

Fun kotar, kai o kham pre djal, dau gole i baro tchirkleste, kai mass chal, te well job. Kowa hi ko mursh, kai krell, hoi mange glan lom. Dran i dur them well lo. Kowa well jaake, har penom. Hoi mange glan lom, krau ninna.

Remarja 9:19

Kanna putcheh tu mandar: Te hi kowa jaake, hoske tchingrell lo mentsa pral maro tchilatchepen? Mer nai krah gar wawartchandes. O Dewel kamas les jaake.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.