Hiob 23:10 - O Debleskro Drom 2021 (Sinte)

¹⁰ Job djinell hawo drom me djau. Dikals lo palla, har djiwau, hatsals lo win, te hom djudjo har sonakai.

O Debleskro Lab 2024 (Sinte-Manouche)

¹⁰ Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Hiob 23:10 ပူးပေါင်းရင်းမြစ်များ

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

2. Samuel 22:22

Me rikrom man ap i dromma o baro Deblestar, un mukom gar miro Debles.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

Hiob 10:7

Tu djineh, te hi ap mande kek doosh, un te hi kek koi, koon nai lell miro djipen dran tiro wast win.

Hiob 23:7

Palle anoms miro tchingepen glan leste, un sikroms, te hom an o tchatchepen tardo. Un o Dewel, miro tchatchepaskro rai, dikals, te hi kek doosh ap mande, un mukals man te djal hako tsireske.

Hiob 23:9

Te djau serwes, dikau tchi, hoi job krell, te rissrau man ap i tchatchi rig, dikau les kote witar gar.

Hiob 31:4

O Dewel dikell halauter, hoi krau, un djinell, hawo drom mire pire djan.

Hiob 31:6

Me mangau o Debles, te dikell lo palla an o tchatchepen: Lom me doosh ap mande oder gar? Palle dikell lo, te hom an o tchatchepen tardo.

Hiob 33:9

“Me djiwom i djudjo djipen, un krom kek tchilatcho koowa. Kek doosh hi ap mande. O tchatcho dromestar djom gar tele.

Hiob 6:29

Mukenn tele, tchilatchepen ap mande pre te anell! Awa, mukenn tele koleha! O tchatchepen hi ap miri rig!

Hiob 7:18

Haki tsalla dikeh ap leste, un mukeh les gar i tikno tsireske dran tiro jak, te dikess palla, har un hoske job kowa kras, hoi lo kras?

Debleskri gili 1:6

O baro Dewel prindjrell o drom kolendar, kai an o tchatchepen tardo hi. Un o drom i tchilatchendar anell len an i bibacht.

Debleskri gili 11:5

Job rodell an i djia i latchendar un i tchilatchendar. Koon o tchilatchepen kamell, ap koleste hi lo peskro tselo djijeha chojedo.

Debleskri gili 17:3

Tu djineh, hoi mange an o shero djal. Ninna an i rati dikal palla, har an miro dji wi-dikella, un hatsal tchi an mande, hoi gar mishto hi. Ninna kek tchilatcho lab was dran miro mui win.

Debleskri gili 66:10

Tu, maro Dewel, kamal te dikell, har maro dji ap tute rikrell. Doleske kral tu mentsa har o rupeha, hoi an jag thodo well, te well lo djudjo.

Debleskri gili 7:9

Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

Gosewe laba 17:3

Jaake har o rup an i jag tchiddo well, un o sonakai an i bob, jaake lell o baro Dewel i menshengre djia an o jak.

Jeremia 12:3

Baro Dewel, tu dikeh un prindjreh man, un djineh, kai miro dji hako tsiro pash tute his. Kol wawaren tserde krik har bakre krik tserdedo wenn, te wenn jon maredo! Un tchip len ap i rig, te wenn jon mulo dino!

Zakarie 13:9

Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Johanni 21:17

O Jesus putchas lestar o triinto kopo: “Simon, tu, o Johanneskro tchawo, kameh tu man o djijestar?” Koi was o Petreske ropaske pral kowa, kai job triin kope putchas: Kameh tu man o djijestar? Un job penas: “Rai, tu djineh halauter. Tu djineh, kai me tut kamau o djijestar.” Penas o Jesus: “De mire bakren te chal!

1. Korintarja 3:15

Te chatchrell kowa an i jag krik, hoi job pre tchiwas, nashrell job lauter. Job kokres djal gar nashedo. Job hi har jek, kai nashell dran i kheer win, hoi chatchella.

5. Mose 8:2

Ma bistrenn, har djas tumaro baro Dewel glan tumende an kol 40 (star-deesh) bersha, har djan an o mulo tato them trujel. Kote sikras lo tumen: Te hi lo gar tumentsa, nai krenn tchi. Ninna kamas lo win te hatsell, hoi an tumare djia hi: Shunenn tumer ap leskre laba oder gar?

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

Hebrearja 11:17

Tumer djinenna: An o phuro tsiro kamas o Dewel te dikell, har baro o Abrahameskro patsepen hi. Un o Dewel penas ap leste, te marell job peskro tchawes har i bakro, hoi o Debleske maredo wella. Un o Abraham shunas ap o Debleste, un las peskro tchawes, kai leske kokres boldo was, te marell lo les glan o Debleste. Glan kau tsiro penas o Dewel ap o Abrahameste: Tiro tchawo, o Isaak, hi o dad kolendar, kai pal tute wenna.

Jakobo 1:12

Bachtelo hi kowa, koon mukell gar peskro patsepen, ninna te well i pharo koowa ap leste. Job hi moldo, te lell lo ko djipen, hoi gar pre-herella. Kawa djipen dell o Dewel kolen, kai les kamenna.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.