Hiob 22:6 - O Debleskro Drom 2021 (Sinte)

⁶ Har tiro phraal tutar patsas, lal tuke tchomone lestar, te rikress les, bis te job peskri sijaan plaissras. Leskre koola lal lestar, un mukal leske kek an-ripaske.

O Debleskro Lab 2024 (Sinte-Manouche)

⁶ Har tiro phraal toutar patsas, lal touke čomone lestar, te rikress les, bis te yob peskri siyaan playsras. Leskre koola lal lestar, oun moukal leske kek an-ripaske.

Hiob 22:6 ပူးပေါင်းရင်းမြစ်များ

Hiob 24:3

Jon lenn penge i burika kolendar, kai len kek dad buder hi, un lenn koi grumni kolatar, kolakro rom meras, bis te plaissrell li peskri sijaan.

Hiob 24:7

An i rati hi len kek koola, te tchakrenn le pen, kek plachta, hoi len tato rikrell an o shil.

Hiob 29:12

Me wom ko tchorweleske ap i rig, kai ap mande gole das. Un ko tchawo, koleskro dad meras, un leske kek buder koi his, koleske homs me koi.

2. Mose 22:26

Leskri baja hi leskri plachta, kolah tchakrell lo pes, un tatsrell lo pes. Te deh tu les peskri baja gar pale un job dell ap mande gole, palle shunau me les. Me krau miro dji leske pre.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Ezekiel 18:16

Kekes rikrell lo sorjah tele. Te hi jekes sijaan pash leste, mangell lo lestar tchi ko tsireske, kai koles sijaan pash leste hi. Job lell gar sorjah peske, hoi o wawares hi. Un dell kolen maro, kolen bok hi, un koola kolen, kolen tchi an-ripaske hi.

Ezekiel 18:7

Job rikrell kekes sorjah tele. Te patsas lo lowe win, dell lo kowa pale, hoi das les ko tchorwelo ko tsireske, kai les sijaan pash leste hi. Job lell kekestar tchomone sorjah peske. Peskro maro dell lo koles, kones bok hi, ninna koola koles, kai kek an-ripaske hi.

Amos 2:8

Ap hake platse, kai o Dewel sharedo well, sowenn le ap koola, hoi lan le i tchorwelenge krik, kai sijaan pash lende hi. Un an o kheer lengro Deblestar pijenn le mool, hoi lan le kolendar, kai sijaan pash lende hi.

5. Mose 24:6

Te patseh tu jekes tchomone un kameh lestar i kutch koowa te lell, hoi deh leske pale ap ko tsiro, kai lo kowa pale dell, hoi lo tutar patsas, palle less tu gar ko bar, koleha job jarro krell. Kau barreha lals tu kowa, hoi les djipaske hunte well.