Hiob 22:16 - O Debleskro Drom 2021 (Sinte)

¹⁶ Kolla meran, har his le gomme gar phuro – wan krik thodo har i kheer i sorelo panjestar.

O Debleskro Lab 2024 (Sinte-Manouche)

¹⁶ Kolla meran, har his le gomme gar phouro – van krik thodo har i kheer i zorelo panyestar.

Hiob 22:16 ပူးပေါင်းရင်းမြစ်များ

1. Mose 7:11

Har o Noah 600 (shob-sheel) bersha phuro his, an o duito tchon an ko bersh, ap o deesh-te-eftato diwes was o pani, hoi an i phub hi, i sorjah win.

Hiob 14:19

O pani thowell i barra jaake rah tele, bis te tchi lendar atchell. Jaake har hidjrenn sorele panja i tchik krik, jaake leh tu kowa krik, hoi i mensho glan-wi dikell peskro djipaske.

Hiob 15:32

Job hi har i ruk, hoi well djelto glan peskro tsiro, un hidjrell an kek tsiro buder senele patria.

Hiob 21:13

Kol tchilatchen hi i shukar djipen. Un kek dukentsa merenn le, un djan an o mulengro them.

Hiob 21:18

un phurdas les krik, har phurdell i ducho o phuss krik, un har hidjrell i sorelo phurdepen o tchik krik.

Hiob 24:18

O tchilatcho well sik krik hidjedo har i patri ap o pani. Ap leskro kotar phub hi i praassepen tchiddo. Pash peskre drakengre ruka djal lo buder gar.

Hiob 36:14

Doleske merenn le an ladj, an i tsiro, kai hi le gomme terno.

Hiob 4:19

Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

Debleskri gili 102:24

Har homs gar dureder har mashkral ap miro drom, phagas job miri soor, mukas man sikeder phuro te well.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Debleskri gili 90:5

Har i lengsto pani sik dureder nashell, jaake mukeh mare diwessa dureder te nashell. Maro djipen hi tikno har i sopen. Mer ham har i senlepen, hoi taissarlakro dran i phub well,

Gosewe laba 10:27

Kowa, kai djiwell o baro Debleha, djiwell bud bersha. O djipen o tchilatchestar well tikneder.

Sikepaskro 7:17

Rike tut pale o tchilatchepastar! Un ma ab har i dinelo! Hoske kameh te merell glan tiro tsiro?

Jesaja 28:2

O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

2. Petro 2:5

Un o Debleskri choli was pral kol menshende, kai djiwan an ko tsiro, kai o Noah djiwas. Jon kaman o Deblestar tchi te djinell, un shunan gar ap o Noah, har job lenge penas, te hunte djan le ap o Debleskro drom. Un o Dewel bitchras o baro pani pral lende. O Noah kokres un efta wawar tassan gar.