Hiob 21:22 - O Debleskro Drom 2021 (Sinte)

²² Nai penell i mensho o Debleske, har tchomone hunte well – leske, kai hi o tchatchepaskro rai pral halauterende, ninna pral i pralstunende?

O Debleskro Lab 2024 (Sinte-Manouche)

²² Nay penell i mensho o Debleske, har čomone hounte vell – leske, kay hi o čačepaskro ray pral halauterende, ninna pral i pralstunende?

Hiob 21:22 ပူးပေါင်းရင်းမြစ်များ

Hiob 15:15

Ninna leskre bolepangren nai patsell lo gar. Un o bolepen hi gar djudjo glan leskre jaka.

Hiob 21:21

Hi lo mulo, hi leske jek, har djal leskre tchawenge.

Hiob 35:11

Job kras, te djinas mer budeder har i vieche ap i phub, un kras men gosweder har i tchirklen tel o bolepen.

Hiob 36:22

Dik, har baro o Dewel hi! Leskri soor hi bareder har halauter! Koon hi i sikepaskro har job?

Hiob 36:23

Kek nai penell leske, hoi te krell lo! Kek nai penell leske: Hoi kral, hi gar mishto.

Hiob 38:3

Kanna ste pre har i mursh! Un me putchau tutar. Un tu peneh mange, hoi kamau te djinell.

Hiob 4:18

O Dewel nai patsell gar peskre budepangren an o bolepen. Un ap leskre bolepangre hatsell lo doosh.

Hiob 40:2

Tu kameh tut mantsa te tchingrell – mantsa, kai o sorelo Dewel hom? Tu, kai doosh ap mande hatsal, un mange penal, hoi gar mishto krom, pen kanna tchomone kai pre!

Debleskri gili 82:1

I gili o Asafestar. O Dewel hi tardo mashkral o bolepaskro tsillo, un rakrell o tchatchepen win pral i debla.

Sikepaskro 5:8

Hi feteder o themeske, te hi les i baro rai, kai dikell koi pre, te well ap o hachetikro them budedo, te well i menshen doha djipaske.

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Jeremia 23:18

Kek kal murshendar his tardo glan o baro Debleste un dikas un shunas, hoi lo penas. Kek lendar das jak ap leskre laba un haiwas len.

Remarja 11:34

Kek haiwell lauter kowa, hoi hi an o Debleskro dji. Job hi o rai. Kek nai penell leske, hoi job hunte krella.

1. Korintarja 2:16

Kowa hi jaake, har an o Debleskro lab tchinlo hi: Kek djinella, hoi an o Debleskro dji hi. Kek nai well leskro sikepaskro. Mer, kai patsle ham, men hi o Jesuseskro Ducho.

1. Korintarja 6:3

Djinenn tumer gar, te well ko tsiro, kai rakrah mer o tchatchepen win pral i bolepangre? Te hi kowa jaake, palle nai rakrah ninna o tchatchepen win pral i phralende, kai tchingrenn pen pral i tikno phubjakro koowa.

2. Petro 2:4

O Debleskri choli was ninna pral kol bolepangre, kai kran o tchilatchepen. O Dewel witsras len an o telstunepen. Kote hi le pandlo an i kali rat, bis te well ko diwes, kai dell lo len lengri phagi.

Judas 1:6

Ma bistrenn witar gar kol bolepangren, kai dan gar garda ap koi budi, hoi o Dewel len das, un mukan pengro kheer an o bolepen. Kolen pandas lo i shellentsa, hoi kek tsireske buder pre kerdo wenn. Un job rikrell len stildo an i kali rat, bis te well ko baro diwes, kai i phagi pral lende wi-rakedo wella.