Hiob 21:16 - O Debleskro Drom 2021 (Sinte)

¹⁶ Kal menshe penenn, te hi len pengri bacht an pengre wasta. Me patsau gar, te hi kowa tchatcho, hoi rakrenn jon penge dren.

O Debleskro Lab 2024 (Sinte-Manouche)

¹⁶ Kal menshe penenn, te hi len pengri barht an pengre vasta. Me patsau gar, te hi kova čačo, hoy rakrenn yon penge dren.

Hiob 21:16 ပူးပေါင်းရင်းမြစ်များ

1. Mose 49:6

Kamau gar te wap jek lendar, har krenn le tchilatcho koowa win. Kamau gar te wap pash lende, kai jon khetne wenna. I choljatar dan le murshen mulo un dan gurma bango tchitcheske.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 10:3

Hoi aneh kawa tuke, te rikreh man sorjah tele? Hoske witsreh man tutar krik, man, koles tire wasta kran, un mukeh kowa mishto te djal, hoi lan pen i tchilatche glan?

Hiob 22:18

Un job his kowa, kai kras lengre khera pherdo latcho koowa! Hoske i tchilatche sau koowa rakrenna an pengre djia, haiwau me gar.

Debleskri gili 1:1

Bachtelo hi kowa, kai shunell gar ap kowa, hoi i tchilatche penenna, Bachtelo hi kowa, kai djal gar kolentsa, kai mukan o Debleskro drom. Bachtelo hi kowa, kai beshell gar pash kolende, kai sanenn pral o Debleste.

Gosewe laba 1:10

I tchilatche, te penenn le: ‘Dik, hoi krah!’ Palle dja gar koi!

Gosewe laba 5:8

Rike tiro drom dur krik latar! Ma dja pash o wudar lakro kherestar!

Sikepaskro 8:8

O menshes hi kek soor, te nai rikrell lo o phurdepen pre. Un les hi kek soor pral ko diwes, kai merell lo. Ninna glan o kurepen nai nashell peske kek. Un peskro tchilatcho koowa nai lell gar o tchilatches win dran i bibacht.

Louka 16:2

mukas lo les gole te dell, un penas ap leste: Hoi shunom me pral tute? Sike mande kol lila, hoi dren tchinlo hi, har bud lowe tu dren lal! Tu nai deh buder gar ap miro brawlepen garda!

Louka 16:25

Koi penas o Abraham: Tchawa, tuke djas hako tsiro an tiro djipen mishto. O Lazares his kek shukar djipen. Kanna hi job bachtelo un leske djal mishto. Un tut hi kanna bare duka.