Hiob 20:5 - O Debleskro Drom 2021 (Sinte)

⁵ well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.

O Debleskro Lab 2024 (Sinte-Manouche)

⁵ vell koy barhteli gole kol čilačendar kokres i tikno tsiro shounlo. Oun koy barht kolestar, kay kamell či o Deblestar te djinell, djal sik trouyel.

Hiob 20:5 ပူးပေါင်းရင်းမြစ်များ

2. Samuel 18:14

“Kamau gar te nashrap miro tsiro tuha!” das o Joab gole, un las triin lengste sane tchurja an peskro wast, un das len o Absalomeske an o dji, har job gomme djido ap o ruk bladedo his.

2. Samuel 18:15

Deesh terne mursha, kai hidjran o Joabeskre chare, wan trul leste, un dan les mulo.

Ester 7:10

Jaake bladan le o Hamanes ap ko kasht pre, koles job o Mordekajeske mukas pre te tchiwell. Un i choli o baro rajestar djas pale.

Hiob 21:28

Tumer penenn: “Hoi was dran o kheer ko rajestar, kai jaake bud tchilatchepen kras?”

Hiob 27:8

Ap hoi nai rikrell pes kowa, kai kamell tchi o Deblestar te djinell, te well ko tsiro, kai lo hunte merell, un o Dewel leskro djipen lestar lell?

Hiob 34:30

te tchiwals o Dewel i tchilatches pral lende, te well lo lengro rai, un kowa anell len o tchatcho dromestar tele?

Hiob 5:3

Me dikom i dineles, kai har i baro ruk soreles tardo his. Sik rakrom bibacht win pral leskro kheer.

Hiob 8:19

Kaja hi leskri tseli bacht an peskro djipen. Un ap leskri platsa djan pale wawar pre.

Debleskri gili 37:10

An i tikno tsiro hi o tchilatcho buder gar koi. Un kote, kai job djiwas, hatseh les buder gar.

Debleskri gili 94:3

Baro Dewel, har rah nai krenn pen i tchilatche bares? Har rah?

Debleskri gili 94:4

Bare laba krenn le, sharenn pen kokres, kolla lauter, kai krenn i wawarenge tchilatchepen.

Mateo 7:21

Kolen, kai penenn ap mande Rai, rai lell o Dewel gar lauter pash peste an o bolepen. Na-a! Kolla kokres, kai krenna, hoi miro dad an o bolepen kamella, kolen lell lo an o bolepen.

Galatarja 6:4

Hakeno hunte dikell ap peste, har job djiwella. Jaake nai sharell lo pes dran kowa, hoi job krella un dikell gar ap i wawareste.

Jakobo 4:16

Kowa penenn tumer gar. Tumer krenn tumen bares, un sharenn tumen pral kowa, hoi tumer krenna. Tumaro sharepen hi gar mishto.