Hiob 20:18 - O Debleskro Drom 2021 (Sinte)

¹⁸ Kowa, hoi lo peske khetne anas, hunte dell lo pale, un nai rikrell les gar. Un kowa, hoi lo dren paras, krell les gar bachtelo.

O Debleskro Lab 2024 (Sinte-Manouche)

¹⁸ Kova, hoy lo peske khetne anas, hounte dell lo pale, oun nay rikrell les gar. Oun kova, hoy lo dren paras, krell les gar barhtelo.

Hiob 20:18 ပူးပေါင်းရင်းမြစ်များ

Hiob 20:10

Leskre tchawe hunte denn kowa pale, hoi lengro dad i tchorwelendar tchoras.

Hiob 20:15

Leskro randedo koowa hi har i chapen, hoi hunte tchadell lo pale win. O Dewel lell ko randedo koowa lestar krik.

Hiob 20:5

well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.

Hiob 27:17

well i wawar, jek, kai an o tchatchepen tardo hi, un hidjrell kol koola. Un ko rup lenn kolla, ap kolende kek doosh hi.

Hiob 31:25

Me stom gar i bachtjatar, te was miro brawlepen baro, un mange jaake bud khetne lom.

Hiob 31:29

Me wom gar bachtelo koi pral, har djas koleske djungeles, kai mange tchilatchepen kamas. Witar gar dom gole i bachtjatar, har was i bibacht pral leste.

Hiob 31:8

palle kamau djob an i phub te witsrell, un i wawar nai chal kowa, hoi kolestar bares was. Un kowa, hoi mange dran i phub win was, tserdenn palle i wawar dran i phub win.

Gosewe laba 1:12

Mashkral dran lengro djipen las len win, un bitchras len tele pash i mulende an o mulengro them!

Gosewe laba 21:20

I shukar brawlepen un kutch djet hi an o kheer kolestar, kai gosewo hi. I dinelo dell peskre lowe sikeder win, har lell lo len.

Jeremia 22:13

Bibacht ap koleste, kai krell peskro kheer chochepah, un djal gar pal o tchatchepen, te krell lo peskro kheer bareder un shukeder! Un mukell peskre budepangre tchitcheske te budrell, un dell len kek lowe.

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Jeremia 51:34

O foro Jerusalem penell: O Nebukadnezar, ko baro rai dran o them Babilonia, chas man pre un maras man. Har i baro panjeskro sap chas lo man, un kras peskro per pesso miro brawlepah. Palle witsras lo man krik har i khoro, kai tchi dren hi. “Mu well pral o foro Babilon ko tchilatchepen, hoi was menge ninna kerdo”, penenn i menshe ap i berga Zion. “I Babilonarja mukan maro rat te nashell. Kanna mu nashell lengro rat!”

Jeremia 51:44

O baro Dewel penell: Awa, me dom o chocheno debles Bel an o them Babilonia peskri phagi, un tserdom dran leskro mui kowa, hoi job pre chas. I menshe dran wawar themma nashenn leske buder gar palla. I massurja o forestar Babilon peran khetne.

Ropaskre gilja 2:16

Halauter, kai ap tute tchilatcho hi, krenn pengro mui dur pre pral tute, denn shol, un sikrenn tuke pengre danda. “Mer dam les khetne”, penenn le. “Awa, kawa hi kau diwes, kai mer kamam, te well lo! Mer lam, hoi kamam.”

Ezekiel 7:12

Ko tsiro was, ko diwes hi koi! O ginepaskro nai sal gar buder. Un kowa, kai hunte bikrell tchomone, hunte rowell gar koi pral. O baro Debleskri choli well pral kal tsele menshende.

Hosea 9:1

Ma de gole i bachtjatar, Israel, har i menshe an wawar themma krenna! Tiro Deblestar djal tu krik un wawar deblenge palla. Tu bikreh tut ap lende ap haki platsa, kai o djob win dino wella.

Amos 8:4

Shunenn kowa, tumer parepangre, kai rikrenn i tchorwelen tele, te atchell len buder tchi djipaske!

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Mateo 23:24

Tumer kamenn i wawaren o tchatcho drom te sikrell, un han kokres har i korele, kai tchi dikenna. Tumer trashenn hako tikno koowa, hoi tumen pale-tchiddo krella, un denn gar garda ap kowa, hoi tumen glan o Debleste pale-tchiddo krella.

5. Mose 28:30

Kowa mank tumende, kai putchas i terni tchai, te romedinerell li les, dikell, har i wawar mursh well un lell lat peske. Kowa, kai tchiwas peske i kheer pre, nai djiwell gar dren. Kowa, kai tchiwas drakengre ruka an i phub, nai chal gar lengre drake.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.