Hiob 2:5 - O Debleskro Drom 2021 (Sinte)

⁵ Hade tiro wast un tape leskre kokale un leskro mass an! Palle dikeh, te praassell lo tut glan hake menshende!”

O Debleskro Lab 2024 (Sinte-Manouche)

⁵ Hade tiro vast oun tape leskre kokale oun leskro mass an! Palle dikeh, te praasell lo tout glan hake menshende!”

Hiob 2:5 ပူးပေါင်းရင်းမြစ်များ

1. Familjakro liil 21:17

Un o David penas ap o baro Debleste: “Shun, kowa hom me, kai mukom pal te dikell, har bud mursha an o them hi. Me anom doosh ap mande un krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Miro baro Dewel, mangau tut, muk koi phagi ap mande un miro dadeskro kheer te well, un gar ap tire menshende! Kre lenge kek tchilatchepen!”

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

Hiob 1:12

Kote penas o baro Dewel ap o beng: “Mishto! Halauter, hoi les hi, dau an tiro wast. Les kokres ma tape an!” Pal kowa djas o beng krik o baro Deblestar.

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Hiob 2:4

Un o beng penas ap o baro Debleste: “Lauter, hoi i menshes hi, dell lo peskro djipaske.

Hiob 2:6

Kote penas o baro Dewel ap o beng: “Mishto, dau les an tiro wast. Leskro djipen ma tape an!”

Hiob 2:9

Kote penas leskri romni ap leste: “Rikreh tu gomme ap tiro patsepen? Pen tut o Deblestar tele un mere!”

Debleskri gili 39:10

Me penau buder tchi. Miro mui atchell pandlo. Tutar well kowa, hoi pral mande was.

Jesaja 65:3

Kol menshe mukenn gar tele, te krenn le kowa, hoi man choirell: Jon anenn viechen i wawar deblenge ap lengre shukar platse, un chatchrenn lenge sungepaskro koowa ap barra.

Jesaja 8:21

Un jon djan an o them trujel, phares dino un bari bokah. Un palle, te hi len bari bok, taprell len i choli, un jon praassenn pengro themeskro rajes un pengro debles. Un jon dikenn pre an o bolepen

3. Mose 24:15

Ap i Israelitarja peness: Koon praassell peskro Debles, hunte hidjrell peskri phagi.

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.