Hiob 2:3 - O Debleskro Drom 2021 (Sinte)

³ Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

O Debleskro Lab 2024 (Sinte-Manouche)

³ Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar. Ninna kanna anell lo kek doosh ap peste, kay tou mandar kamal, te anap les an i bibarht, ninna te kras lo či.”

Hiob 2:3 ပူးပေါင်းရင်းမြစ်များ

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

2. Samuel 20:20

Penas o Joab ap late: “Ko krau me gar. Ko krau me an miro tselo djipen gar, te dap kowa lauter paash. Kowa hi gar jaake.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

Hiob 1:6

Un was i diwes, kote wan i tsele bolepangre pash o baro Debleste khetne, un tchiwan pen tardo glan leste. Ninna o beng his mashkral lende.

Hiob 1:8

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

Hiob 13:15

Mu marell lo man, man hi tchi te nashrell. Me djom tchatche dromma; un kowa kamau me leske an o mui te penell.

Hiob 2:2

Un o baro Dewel penas ap o beng: “Fun kai weh tu?” Un o beng penas ap leste: “Wau i phubjatar. Kote djom trujel.”

Hiob 2:4

Un o beng penas ap o baro Debleste: “Lauter, hoi i menshes hi, dell lo peskro djipaske.

Hiob 9:17

Job bitchrell i sorelo phurdepen, te taprell lo pal mande, un dell man bud dukepen, ninna te krom tchi.

Hiob 9:20

Ninna te waus an o tchatchepen, miro rakepen anals i phagi pral mande. Ninna te wals kek doosh ap mande, dals lo man i doosh.

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Debleskri gili 41:12

Muk len gar pral mande te sal! Palle dikau, te dikeh tu latches ap mande.

Gosewe laba 11:8

Kowa, kai an o tchatchepen tardo hi, well win lino dran i bibacht. Un pal leste well ko tchilatcho koi dren.

Gosewe laba 13:6

Lengro tchatcho koowa anell kolen dran i bibacht win, kai kek doosh ap lende hi. I doosh i tchilatchendar anell len an i bibacht.

Gosewe laba 14:2

Kowa, kai kamell o baro Debleha te djiwell, djal o tchatcho drom. Koon tchi lestar kamell te djinell, djal ap bange dromma.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 16:17

Kolla, kai ap o tchatcho drom djan, atchenn dur krik o tchilatchepastar. Koon jak dell, hawo drom job djal, kowa dell jak ap peskro djipen.

Johanni 9:3

“Kek lendar anas i doosh ap peste,” penas o Jesus. “Job gar, leskro dad un leskri dai witar gar. Job hi korelo, te well o Debleskri bari soor ap leste diklo.

Filiparja 3:12

Ninna te hom gomme gar jaake har kamoms te wap, un hom gomme gar kote, kai kamau te wap, nashau o Jesuseskro drom, te lap o djipen pash o Debleste. Koleske das man o Jesus Kristo gole.

Jakobo 1:12

Bachtelo hi kowa, koon mukell gar peskro patsepen, ninna te well i pharo koowa ap leste. Job hi moldo, te lell lo ko djipen, hoi gar pre-herella. Kawa djipen dell o Dewel kolen, kai les kamenna.

1. Petro 1:7

Kowa wella pral tumende, te well tumaro patsepen sorelo. Jaake har o sonakai an i jag djudjo un kutch kerdo wella, jaake hunte well tumaro patsepen ninna djudjo un kutch kerdo. Tumaro patsepen hi budeder moldo har o sonakai, hoi atchell gar. Te atchell tumaro patsepen sorelo, palle sharell tumen o Dewel un krell tumen bares un railes ap ko diwes, kai well o Jesus Kristo pale.

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.