Hiob 2:2 - O Debleskro Drom 2021 (Sinte)

² Un o baro Dewel penas ap o beng: “Fun kai weh tu?” Un o beng penas ap leste: “Wau i phubjatar. Kote djom trujel.”

O Debleskro Lab 2024 (Sinte-Manouche)

² Oun o baro Devel penas ap o beng: “Foun kay veh tou?” Oun o beng penas ap leste: “Vau i phoubyatar. Kote djom trouyel.”

Hiob 2:2 ပူးပေါင်းရင်းမြစ်များ

1. Mose 16:8

Un o bolepaskro putchas latar: “Hagar, tu i Sarajakri budepaskretsa, kai weh tu un kai djah tu?” Penas joi: “Me nashom mange miri ranjatar Sarai.”

Hiob 1:7

Un o baro Dewel putchas o benges: “Kai weh tu?” Un o beng penas ap o baro Debleste: “Wau i phubjatar. Kote djom trujel.”

Hiob 2:1

Un was o diwes, kai wan i bolepangre pale khetne pash o baro Debleste un tchiwan pen tardo glan leste. Un o beng his ninna pale mashkral lende.

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Johanni 14:30

Man hi buder gar bud tsiro, te rakrap tumentsa. O beng, kai hi o rai pral kai phub, wella. Les hi kek soor pral mande.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.