Hiob 2:11 - O Debleskro Drom 2021 (Sinte)

¹¹ O Hiobes his triin mala. Har shunan jon fun koi bibacht, hoi was pral o Hiob, wan le pash leste khetne, hakeno fun kotar, kai job djiwell: O Elifas dran o foro Teman, o Bildad dran o them Shuach, o Zofar dran o them Naama. Un jon kran penge win, te djan le pash leste, te sikrenn le leste, har khaitell lo len, un te penenn le leske latche laba.

O Debleskro Lab 2024 (Sinte-Manouche)

¹¹ O Hiobes his triin mala. Har shounan yon foun koy bibarht, hoy vas pral o Hiob, van le pash leste khetne, hakeno foun kotar, kay yob djivell: O Elifas dran o foro Teman, o Bildad dran o them Shoua, o Sofar dran o them Naama. Oun yon kran penge vin, te djan le pash leste, te sikrenn le leste, har khaytell lo len, oun te penenn le leske lače laba.

Hiob 2:11 ပူးပေါင်းရင်းမြစ်များ

1. Mose 25:2

Un joi anas leske tchawen ap i phub. Kolengre laba hi: Simran, Jokshan, Medan un Midian, Jishbak un Shuach.

1. Mose 36:11

O Elifas las tchawe. Kolla his: o Teman, o Omar, o Zefo un o Gatam un o Kenas.

1. Mose 36:15

Un kolla hi i raja, kai wenna o Esaeskre tchawendar: Leskro phureder tchawestar, o Elifas, wenna o rai Teman, o rai Omar, o rai Zefo, o rai Kenas, o rai Korach, o rai Gatam, o rai Amalek. Kolla hi i raja, kai wenna pal o Elifas an o them Edom. Lengri mami hi i Ada.

1. Mose 36:34

Har o Jobab meras, was o Husham o baro rai. Job his dran o them Teman.

1. Mose 37:35

Un leskre tsele tchawe un tcha wan pash leste, te rakrenn le leha latches. Un job kamas gar, te well leskri duk krik lino. “Na-a” penas job, “miro dji rowella, bis te merau un wau pash miro tchaweste.” Jaake rowas leskro dad pral o Josefeste.

1. Familjakro liil 1:32

O Abrahames his shob tchawe peskri duiti romjatar Ketura: o Simran, o Jokshan, o Medan, o Midian, o Jishbak un o Shuach. O Jokshan his o dad dui mursh tchawendar: o Saba un o Dedan.

1. Familjakro liil 1:45

Har o Jobab meras, was pal leste o Husham o rai dran o them Teman.

1. Familjakro liil 7:22

Un lengro dad, o Efrajim, rowas i rah tsiro, un leskre phrala wan, te rakrenn leha latche laba.

Hiob 11:1

Pal kowa rakras o Zofar dran o them Naama un penas ap o Hiob:

Hiob 13:4

Tumer tchakrenn o tchatchepen o chochepah, han dramangre, kai tchi-moldo hi, – tumer halauter.

Hiob 15:1

Koi penas o Elifas dran o them Teman ap o Hiob:

Hiob 16:2

Bud sau koowa shunom me. Tumare latche laba, hoi tumen mange hi, tumer halauter, krenn les mange gomme phareder!

Hiob 16:20

Mire mala sanenn pral mande. Mire jaka hi pherde swa, har dikau me pre pash miro Debleste.

Hiob 18:1

Un o Bildad dran Shuach penas koi pre:

Hiob 19:19

Mire latche mala dikenn tele ap mande. Un kolen, kai me o djijestar kamom, sikrenn mange o dumo.

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Hiob 4:1

Un o Elifas dran o foro Teman penas ap leste:

Hiob 42:11

Un leskre tsele phrala un phenja un kolla, kai les glan ko tsiro prindjran, wan pash leste, un chan khetne leha, un rakran latches leha, un penan har koi bibacht lenge dukas, hoi mukas o baro Dewel pral leste te well. Un hakeno das les i sonakaskri bema un i gustri.

Hiob 42:7

Un har o baro Dewel kol laba rakras o Hiobeha, penas job ap o Elifas dran Teman: “Kowa hoi o Hiob, koles miro tchatcho wast hi, pral mande rakras, hi tchatcho. Kowa, hoi tu un tire dui mala mandar rakran, hi gar tchatcho. Doleske hom chojedo ap tumende.

Hiob 42:9

Kote djas o Elifas peskre dui malentsa, o Bildad dran Shuach un o Zofar dran Naama, pash o Hiob, un jon kran, hoi o baro Dewel lenge penas. Un o baro Dewel shunas ap kowa, hoi o Hiob lestar mangas.

Hiob 6:14

Kones kek dji hi peskro maleske, koles hi gar o sorelo Dewel glan i jaka pash kowa, hoi lo krell.

Hiob 6:19

Mursha pengre khamelentsa wenn dran Tema un Saba un rodenn kal panja.

Hiob 8:1

O Bildad dran o them Shuach penas koi pre:

Gosewe laba 17:17

I maal sikrell hako tsiro pengro kamlepen. Un i phraal well boldo, te well lo tuke ap i rig an phare tsirja.

Gosewe laba 18:24

Dell mala, kai anenn tut an i bibacht. I tchatcho maal rikrell budeder ap tute har i phraal.

Gosewe laba 27:10

Ma muk tiro males, witar gar tiro dadeskro males! Te djal tuke djungeles, ma dja an o kheer tiro phralestar. Hi feteder, te djas pash jekeste, kai gar dur tutar djiwell, har pash tiro phraleste, kai dur tutar krik djiwell.

Jesaja 51:19

Kal dui koowa wan ap tute: Tiro them was paash dino un tire forja tele-phagedo. Bud tire menshendar meran i bokatar un an o kurepen. Un kek hi koi, te rowell lo tuha, te penell lo tuke latche laba.

Jeremia 49:7

Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

Obadja 1:9

Un i sorele kurepangre an o foro Teman lenn bari daar. Doleske well hakeno ap i berge Esau maredo.

Johanni 11:19

Un bud bibolde his pash i Marta un pash i Maria, te rakrenn le lentsa, te hi i duk gar jaake baro pral lengro phraleskro merepen.

Remarja 12:15

Awenn bachteles kolentsa, kai bachtelo hi! Rowenn kolentsa, kai rowenna!

1. Korintarja 12:26

Te dukell jek kotar, palle dukenn kol tsele wawar ninna. Un te well jek kotar sharedo, hi kol tsele kotja bachtele.

Hebrearja 13:3

Ma bistrenn kolen, kai hi an o stilepen. Denn lende kowa, hoi len hunte well djipaske, jaake har te wans tumer kolla, kai stildo hi! Awenn ninna kolenge koi, kai wan palla lino un lan dawa. Awenn lenge jaake koi, har wans tumer kolla, kai wan palla lino un lan dawa.

Josua 15:41

Gederot, Bet-Dagon, Naama un Makkeda. Kolla his 16 (deesh-te-shob) forja, un koi pashel gomme lengre gaba.