Hiob 19:8 - O Debleskro Drom 2021 (Sinte)

⁸ Ap miro drom tchiwas lo jaake bud barra, te nai djau gar pral wergel. Un job mukell man an o kalepen miro drom te hatsell.

O Debleskro Lab 2024 (Sinte-Manouche)

⁸ Ap miro drom čivas lo yaake boud barra, te nay djau gar pral vergel. Oun yob moukell man an o kalepen miro drom te hatsell.

Hiob 19:8 ပူးပေါင်းရင်းမြစ်များ

Hiob 23:17

Hi gar i kali rat, witar gar ko tamlepen glan mande, te merap i darjatar. Na-a, darau o Deblestar.

Hiob 3:23

Hoske hunte djiwell kowa, koleskro drom khatedo hi, un koles o Dewel haki rigjatar dren pandas?

Hiob 30:26

Me patsom, te well latchepen ap mande, un tchilatchepen was. Mire jaka rodan pal i momeli, un kalepen was.

Debleskri gili 88:8

Tiri choli hi phares ap mande tchiddo, un jaake har bud pani jekes tele tserdell, tserdeh tu man tele.

Gosewe laba 4:19

O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 59:9

Doleske dell men o Dewel gar maro tchatchepen, un leskro latchepen well gar ap mende. Hoske bitchrell lo menge kek momeli? Lauter, hoi dikah, hi kali rat. Kaana djal menge o kham pre? An o pessester kalepen nashah mer trujel.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Jeremia 23:12

Doleske well ko drom, kai le djan har i sapeno drom an o tamlepen, kai wenn le tradedo un perenn. Me mukau bibacht pral lende te well an ko tsiro, kai dau len i phagi. Kowa penell o baro Dewel.

Ropaskre gilja 3:5

Haki rigjatar pandas lo man dren, duka un daar hi trul mande.

Ropaskre gilja 3:7

Job tchiwas i massuri trul mande, te nai wau gar win, un tchiwas sasterne shelle trul mire pire.

Ropaskre gilja 3:9

Ap miro drom tchiwas lo bare barra. Kai me ninna djau, wau gar dureder.

Hosea 2:6

Lakre tchawe hi i lubjengre tchawe. Lenge krau miro dji gar pre.

Hosea 2:8

Doleske tchiwau subjengre burra ap lakro drom un krau i massuri, te nai hatsell li peskro drom gar.

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Josua 24:7

kote dan le gole ap mande, o baro Debleste. Un me tchiwom rati mashkral lende un i Egiptarjen. Un mukom o baro pani pral i Egiptarjen te well. Un o pani tchakras len. Un tumare phure dikan pengre jakentsa, hoi me ap i Egiptarjen krom. Un tumer djiwan i rah tsiro an o mulo them.