Hiob 19:25 - O Debleskro Drom 2021 (Sinte)

²⁵ Me djinau, te djiwell o Dewel, kowa, kai miro koowa an peskro wast lell. Un an o tsillo, kai o tchatchepen win rakedo well pral kai phub, hi job miro rakepaskro.

O Debleskro Lab 2024 (Sinte-Manouche)

²⁵ Me djinau, te djivell o Devel, kova, kay miro koova an peskro vast lell. Oun an o tsillo, kay o čačepen vin rakedo vell pral kay phoub, hi yob miro rakepaskro.

Hiob 19:25 ပူးပေါင်းရင်းမြစ်များ

1. Mose 22:18

Tu kral, hoi me tuke penom. Doleske djal koi bacht, hoi dau tire menshende, dureder ap i tsele natsjone, kai ap i phub hi.”

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

Hiob 16:19

Ninna kanna hi jek an o bolepen, kai stell mange pre un well ap miri rig. Kowa, kai mange mishto rakrell, hi an o pralstunepen.

Hiob 19:24

Kamoms, te wenn le i sasteha dino an i baro bar, te atchenn le hako tsireske!

Hiob 3:13

Te woms mulo, woms koi tchiddo, un sowoms, un woms pokones.

Debleskri gili 18:46

Len hi buder kek soor an pende. Darjah wenn le dran pengre sorele rajengre khera win.

Debleskri gili 19:14

Muk man gar khetne kolentsa te djal, kai hi pre-phurde, te tserdenn le man gar ap lengri rig. Jaake well kek doosh ap mande, un me krau kek baro tchilatcho koowa.

Debleskri gili 78:35

Un lenge was an o shero, te hi o Dewel kowa, kai rikrell len, un kai job, o Dewel pral halauter, kowa hi, kai len win lell dran o merepen.

Gosewe laba 23:11

O baro Dewel well lenge soreles ap i rig, un lell lengro koowa an o wast, un krell o tchatchepen pral tute win.

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 43:14

O Israeleskro Dewel hi o baro Dewel, kai tumen dran o pandepen win lell, un penell: Tumenge, kai an o them Babilonia han, bitchrom jekes koi, te anell lo tumen, kai pandle han, win. Un kol Babilonarja, kai kanna i bachteli gole denn, rowenna palle.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

Efesarja 1:7

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.