Hiob 19:13 - O Debleskro Drom 2021 (Sinte)

¹³ Job rikras mire phralen dur mandar krik. Un kolen, kai me latches prindjrom, krenn jaake, har prindjrans le man gar.

O Debleskro Lab 2024 (Sinte-Manouche)

¹³ Yob rikras mire phralen dour mandar krik. Oun kolen, kay me lačes prindjrom, krenn yaake, har prindjrans le man gar.

Hiob 19:13 ပူးပေါင်းရင်းမြစ်များ

Hiob 16:20

Mire mala sanenn pral mande. Mire jaka hi pherde swa, har dikau me pre pash miro Debleste.

Hiob 16:7

Tchatchepah, o Dewel las mange miri soor krik. Tu, miro Dewel, lal mange miri tseli familja krik!

Hiob 42:11

Un leskre tsele phrala un phenja un kolla, kai les glan ko tsiro prindjran, wan pash leste, un chan khetne leha, un rakran latches leha, un penan har koi bibacht lenge dukas, hoi mukas o baro Dewel pral leste te well. Un hakeno das les i sonakaskri bema un i gustri.

Hiob 6:15

Mire mala sikran pen, te hi le chochene. Har panja hi le, kai truk wenn.

Hiob 6:20

Un har wenn le kote, his lauter tchitcheske: Kek pani hi koi.

Debleskri gili 31:11

I daar chas miro djipen pre, un mire bersha his pherdo ropen. Miri doosh lell miri soor mandar, jaake te djap bango.

Debleskri gili 31:12

Kolla, kai mange tchilatchepen kamenn, san pral mande. Gomme djungleder kran mange kolla, kai djiwenn langs mande. Mire mala trashenn mandar. Te dikenn le man ap o drom, nashenn le penge mandar.

Debleskri gili 38:11

Miro dji djal sikeder. Miri soor mukas man. Un mire jaka nashran pengri soor.

Debleskri gili 38:12

Mire mala un mire menshe darenn glan miro nasslepen. Un kolla, kai pash mande djiwenna, hi dur mandar krik tardo.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Debleskri gili 69:20

Tu prindjreh i ladj, hoi ap mande peras, tu djineh, har jon man praassan un pal mande rakran. Kolla, kai mange o djipen phares krenn, hi lauter glan tire jaka.

Debleskri gili 69:8

Dran tute hi i bari ladj ap mande, un miro shero hi lolo i ladjatar.

Debleskri gili 69:9

Wom har i gadjo mire phralenge. I tchawe miri datar prindjrenn man buder gar.

Debleskri gili 88:18

Jon wenn ap mande haki rigjatar, har baro diwjo pani hi le trul mande o tselo diwes.

Debleskri gili 88:8

Tiri choli hi phares ap mande tchiddo, un jaake har bud pani jekes tele tserdell, tserdeh tu man tele.

Ropaskre gilja 1:19

Me kharom mire pirnen, un jon mukan man kokres. Mire rashaja un i phureder meran an o foro, har dikan le pal i kotar maro, te nai rikrenn le pen djido.

Ropaskre gilja 1:2

An i rati roweh, un tire swa nashenn tuke i tchamja tele. Kek tire tsele pirnendar well, un penell tuke i kamlo lab. Tire tsele mala mukan tut, un wan tchilatches ap tute.

Mateo 26:56

Kawa lauter hunte djas, te well tchatcho, hoi o Debleskre rakepangre glan i rah tsiro an pengre lila tchinan.” Har peskre mala kowa shunan, nashan le penge lauter lestar.

2. Timoteo 4:16

Har homs o glanstuno kopo glan i tchatchepangre tardo, his kek ap miri rig tardo. Lauter mukan man kokres. Me mangau o Debles, te lell lo koi doosh lendar.