Hiob 18:13 - O Debleskro Drom 2021 (Sinte)

¹³ O nasslepen chal les pre, i merepaskro nasslepen chal leskre mussja un herja krik.

O Debleskro Lab 2024 (Sinte-Manouche)

¹³ O nasslepen rhal les pre, i merepaskro nasslepen rhal leskre moussya oun herya krik.

Hiob 18:13 ပူးပေါင်းရင်းမြစ်များ

1. Mose 31:15

Ham leske har chale. Job bikras men. Un kol lowe, hoi job menge las, das lo lauter win.

1. Mose 49:3

Tu, o Ruben, miro phureder tchawo hal, miri soor hi an tute. Har homs terno un sorelo, wom tiro dad. Tu hal bareder un sorleder har tire phrala.

Hiob 17:16

Ko latchepen, ap hoi dikom, djal mantsa an o mulengro them tele, un well mantsa khetne an i tchik tchiddo.

Jesaja 14:30

I tchorwelen mire menshendar hi doha te chal. Un kolen, kai tchi hi, nai tchiwenn pen tele kek darjah. Tumen, Filistarja, mukau i bokatar te merell. Un hoi tumendar pral atchell, dau mulo.

Jona 2:6

O pani djas mange bis ap i meen. O telstunepen his trul mande, un o panjeskro khass pandas pes trul miro shero.

Zakarie 14:12

Un kowa hi ko pharo nasslepen, hoi o baro Dewel ap kolende tchiwell, kai djan an o kurepen o foreha Jerusalem: Lengro mass merell tele, har le gomme ap lengre pire tardo hi, lengre jaka an o shero un lengri tchip an o mui merenn tele un perenn win.

Debleskro tsiro 6:8

Un me dikom i grajes. Kowa his parno har i mulo. Un kowa, kai pre beshdo his, koleskro lab his “Mulo.” Un o merepen was pal leste. Un les was i soor dino, te marell lo i menshen ap o starto kotar i phubjatar. O charo, i diwje vieche, i bok un o nasslepen marenn len.