Hiob 16:19 - O Debleskro Drom 2021 (Sinte)

¹⁹ Ninna kanna hi jek an o bolepen, kai stell mange pre un well ap miri rig. Kowa, kai mange mishto rakrell, hi an o pralstunepen.

O Debleskro Lab 2024 (Sinte-Manouche)

¹⁹ Ninna kanna hi yek an o bolepen, kay stell mange pre oun vell ap miri rig. Kova, kay mange mishto rakrell, hi an o pralstunepen.

Hiob 16:19 ပူးပေါင်းရင်းမြစ်များ

1. Mose 31:50

Te hal tu tchilatcho ap mire tchende un te leh tu wawar romjen, djiness, o Dewel dikell kowa, ninna te djinau me kowa gar.”

Hiob 16:18

Me hom har i mursh, kai was maredo. I phub te khatrell gar miro rat, te well leskri gole hako tsiro shunlo.

Hiob 19:25

Me djinau, te djiwell o Dewel, kowa, kai miro koowa an peskro wast lell. Un an o tsillo, kai o tchatchepen win rakedo well pral kai phub, hi job miro rakepaskro.

Hiob 25:2

O Debles hi i soor pral halauter, un hakeno hunte trashell lestar. I sorelo wasteha krell lo, te well kek tchingepen an peskro bolepaskro them.

Hiob 31:2

Te rikroms me gar ap kowa, hoi krals palle mantsa o Dewel an o pralstunepen? Tchatchepah o sorelo Dewel, kai hi an o pralstuno bolepen, dals man kek latcho koowa koleske!

Debleskri gili 113:5

Koon an o bolepen un ap i phub hi jaake har maro baro Dewel?

Debleskri gili 148:1

Halleluja! Sharenn o baro Debles, tumer an o bolepen! Sharenn les, tumer kai han dur pral an o bolepen!

Debleskri gili 89:37

te wenn o Davidestar bare raja an hake tsirja, jaake rah har o kham koi hi,

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 9:1

Glan o Jesus Kristeste penau tumenge: Kowa, hoi tumenge kanna penau, hi o tchatchepen un kek chochepen. Ninna o Debleskro Ducho an miro dji penell mange kowa.

2. Korintarja 1:23

Kanna penau tumenge, hoske djom gar pash tumende. Me kamom tumen gar pale te dukrell. Glan o Debleste penau tumenge kawa pash mo djipen.

2. Korintarja 11:31

O Dewel, ko dad o Jesusestar, maro rajestar, djinella, kai penau o tchatchepen. Les sharas mer hako tsiro.

Filiparja 1:8

O Dewel djinella: Miro dji hi pash tumende. O Jesus Kristo das man i baro kamlepen tumenge.

1. Tessalonikarja 2:10

O Dewel dikas, har djiwam mashkral tumende. Un tumer, kai ap leste patsenna, dikan ninna, te djiwam jaake pash tumende har o Dewel kamella, un djam pal o tchatchepen, te hatsas kek i doosh ap mende.

1. Tessalonikarja 2:5

Tumer djinenna, mer rakram tumenge gar pal o mui. Witar gar penam o Debleskro lab, te las lowe i menshendar. O Dewel djinella, me penau o tchatchepen.

1. Samuel 12:5

Job penas ap lende: “O baro Dewel un tumaro baro rai, koles job wi-rodas, kolla dui dikenn un shunenn kau diwes, te hatsan tumer tchi an miro wast.” “Awa, jaake hi kowa”, penan le.