Hiob 16:13 - O Debleskro Drom 2021 (Sinte)

¹³ Leskre faile djan haki rigjatar ap mande. Job dell man karje an mire buke dren. Un les khaitau gar. Miri galla tchorell lo win ap i phub.

O Debleskro Lab 2024 (Sinte-Manouche)

¹³ Leskre fayle djan haki rigyatar ap mande. Yob dell man karye an mire bouke dren. Oun les khaytau gar. Miri galla čorell lo vin ap i phoub.

Hiob 16:13 ပူးပေါင်းရင်းမြစ်များ

1. Mose 49:23

I kurepangre his chojedo ap leste. Ninna te dan le ap leste karje un lan les palla,

Hiob 19:12

Hi jaake, har te bitchrals job peskre lurden, te djan le ap mande. Jon kran penge i drom pash mande, un tchiwan pen pre trul miro kheer.

Hiob 19:27

Awa, dikau les mire jakentsa. Un job hi mange kek, kai prindjrau gar. Miro dji nashell leste palla.

Hiob 20:25

Ko failo well an leskro buko karje dino, un dran o dumo djal lo win. Bari traash taprell les.

Hiob 25:3

Kek nai ginell kitse bolepangre lurde les hi. Kek hi koi, pral koleste leskro kham gar pre djal.

Hiob 6:10

Kowa krals koi duk an miro dji tikneder. An mire tsele bare duka djinau, te krom hako tsiro, hoi o Dewel mange penas.

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ropaskre gilja 2:4

Job rikras peskro bogo, un las i failo an peskro tchatcho wast, har jek, kai kurell pes mentsa. Un har i kurepaskro maras lo halauteren, kai menge kamlo un kutch his. Un leskri choli was pral mende har i soreli jag.

Ropaskre gilja 3:11

Job tserdas man tele o dromestar, dandras man an kotja, un mukas man tchiddo.

Ropaskre gilja 3:13

Job das peskre faile an mire buke karje.

Ezekiel 5:11

Tumer kran miro kheer pale-tchiddo kol chochene deblentsa un djungelo koweha, hoi kote kran, penau me, o baro Dewel, tumaro rai. Doleske dau man sowel, me o djido Dewel, te dap tumen paash. Tumer khaitenn man buder gar un me krau miro dji buder gar tumenge pre.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

5. Mose 29:20

Job tchiwell les infam, te hi lo kek Israelitari buder. Un ap leste well koi bibacht, hoi koles taprell, kai tel o praassepen hi doleske kai rikras lo pes gar ap kowa, hoi peskro baro Dewel leha win kras, jaake har an kau tchatchepaskro liil tchinlo hi.

2. Petro 2:5

Un o Debleskri choli was pral kol menshende, kai djiwan an ko tsiro, kai o Noah djiwas. Jon kaman o Deblestar tchi te djinell, un shunan gar ap o Noah, har job lenge penas, te hunte djan le ap o Debleskro drom. Un o Dewel bitchras o baro pani pral lende. O Noah kokres un efta wawar tassan gar.