Hiob 15:32 - O Debleskro Drom 2021 (Sinte)

³² Job hi har i ruk, hoi well djelto glan peskro tsiro, un hidjrell an kek tsiro buder senele patria.

O Debleskro Lab 2024 (Sinte-Manouche)

³² Yob hi har i rouk, hoy vell djelto glan peskro tsiro, oun hidjrell an kek tsiro bouder zenele patria.

Hiob 15:32 ပူးပေါင်းရင်းမြစ်များ

Hiob 22:16

Kolla meran, har his le gomme gar phuro – wan krik thodo har i kheer i sorelo panjestar.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Gosewe laba 10:27

Kowa, kai djiwell o baro Debleha, djiwell bud bersha. O djipen o tchilatchestar well tikneder.

Sikepaskro 7:17

Rike tut pale o tchilatchepastar! Un ma ab har i dinelo! Hoske kameh te merell glan tiro tsiro?

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Hosea 9:16

O Efrajim hi har i mulo ruk. Leskre draba, len hi kek pani. Un rukengre wenn gar bares ap leste. Te lenn i djuwja ninna tchawe, me marau len, kolen jon pengro djijestar kamenna.

Johanni 15:6

Koon atchell gar an mande, kowa well win witsedo, har kol kashta, kai tele tchinlo hi. Jon wenn khetne rodedo un an i jag tchiddo, te chatchrenn le.