Hiob 15:30 - O Debleskro Drom 2021 (Sinte)

³⁰ Job nai well gar win dran o tamlepen, un hi har ko ruk, koleskre senele kashta chatchedo wenn an i jag. Un o Dewel phurdell ap leste, un krik hi lo.

O Debleskro Lab 2024 (Sinte-Manouche)

³⁰ Yob nay vell gar vin dran o tamlepen, oun hi har ko rouk, koleskre zenele kashta rhačedo venn an i yag. Oun o Devel phourdell ap leste, oun krik hi lo.

Hiob 15:30 ပူးပေါင်းရင်းမြစ်များ

Hiob 15:22

Job nai patsell gar, te well lo dran o tamlepen pale win. un dikell o charo pral leskro shero.

Hiob 15:23

Job djal kate te kote un rodell chapen, un hatsell tchi. Un job haiwas, te well i kalo diwes pral leste.

Hiob 15:34

Jaake djal i familjenge kolendar, kai djiwenn kek Debleha. Jon atchenn kek tchawentsa. Un i jag chatchrell lengre khera pre, hoi kran le kol lowentsa, hoi lenge plaissedo was te chochenn le.

Hiob 18:16

Job hi har i ruk: Tella merell leskro drab tele, un pral wenn leskre patria djelto.

Hiob 18:18

I phubjatar, kai i djide djiwenn, was lo tradedo an ko tamlo them, kai i mule hi.

Hiob 20:26

Leskro tselo kutch koowa well paash kerdo. Un i jag, hoi kek mensho tchiwas, chatchrell les pre, un kolla, kai an leskro kheer pral atchan.

Hiob 22:20

“Tchatchepah, halauter, hoi i tchilatchen his, hi paash, Un kowa, hoi pral atchas, chatchras i jag.”

Hiob 31:12

Sawi doosh wals har i jag, hoi man tseles chatchrell, un ninna halauter, hoi man hi, pre chals.

Hiob 4:9

O Dewel phurdell ap lende, un jon merenn. Leskri choljakro ducho marell len.

Hiob 5:14

Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

Jesaja 11:4

Na-a, job dell i tchorwelende pengro tchatchepen, un well kolenge ap i rig, kai gar an-dikle hi, te lenn jon pengro tchatchepen. Penell lo i sorelo lab, palle lenn i marepangre pengri phagi. Les hi i soor, te penell ap o tchilatcheste: “Tu hunte meress!”

Jesaja 30:33

I rah tsiro hi i chatchepaskri platsa kerdo, dur tele djal li un buchles hi li. Ninna o baro rajeske hi li kerdo. Jag hi koi un bud kashta chatchepaske. Un o ducho o baro Deblestar phurdell soreles koi pre, un krell i jag, hoi lauter pre chatchrella.

Hosea 6:5

Doleske bitchrom tumenge mire rakepangre. Un lengro rakepah dau me tumen khetne, un marau tumen mire labentsa, hoi wenn dran miro mui. Miro tchatchepen well glan har o kham.

Mateo 22:13

Penas o baro rai ap peskre budepangre: Pandenn les ap i pire un ap i wasta, un witsrenn les win an i kali rat! Un kote rowenn le un dandrenn i danda i dukatar khetne.”

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Mateo 8:12

Un i biboldendar wenna bud an i kali rat win witsedo. Un jon rowenna, un dandrenn i danda i dukatar khetne.”

2. Petro 2:17

Kol menshe hi har i brunna, kai hi kek pani dren. Jon hi har o bolepen, kai dell kek brishin. Ap ko diwes, kai lenn jon pengri phagi, wenn le an i kali rat witsedo.

Judas 1:13

Jon hi har diwje panja, hoi witsrenn pengro tchik, hoi an lende hi, win ap i phub glan lende. Jon hi har bolepangre momlia, hoi dran pengro drom win djan, un hunte djan kanna hako tsireske an i kali rat.

Debleskro tsiro 19:15

Un dran leskro mui well i charo win, hoi latches tchinella. Koleha kurell lo pes i menshentsa an i tsele themma, un well sorleder har jon. Job anell len i sasterno wasteha. Jaake har jek i drake paash stakrella, te well i mool win, jaake stakrell lo kolen paash, kai gar ap leste shunenna, un anell i choli o sorelo Deblestar ap lende.