Hiob 14:1 - O Debleskro Drom 2021 (Sinte)

¹ O mensho, boldo i djuwjatar, djiwell i tikno tsiro, un marell pes tele peskro tselo djipen.

O Debleskro Lab 2024 (Sinte-Manouche)

¹ O mensho, boldo i djouvyatar, djivell i tikno tsiro, oun marell pes tele peskro tselo djipen.

Hiob 14:1 ပူးပေါင်းရင်းမြစ်များ

1. Mose 3:17

Un ap o romeste penas o Dewel: “Tu shunal ap tiri romjate un chal ko rukestar, kai penom tuke: ‘Ma cha kolestar.’ Doleske well bibacht ap i hachetikri phub. Tu budress phares ap i phub, te well tut chapaske, jaake rah har djiweh.

1. Mose 47:9

Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

2. Rajengro liil 4:19

un penas ap peskro dadeste: “Miro shero, miro shero!” Leskro dad penas ap peskro budepaskro: “An les pash leskri date!”

Hiob 10:20

Kol diwessa, hoi man gomme hi, hi buder gar bud. Muk mandar tele, dik krik mandar, te nai wap i tikno tsiro gomme bachtelo,

Hiob 15:14

Hoi hi o mensho, te nai wals lo erligo glan o Debleste? Kek ap kai phub hi an o tchatchepen tardo glan leste.

Hiob 25:4

Glan o Debleskre jaka hi kek mensho an o tchatchepen tardo. Kek mensho hi erligo glan leste.

Hiob 25:5

Ninna o tchon un i bolepangre momlia hi gar djudjo glan leskre jaka.

Hiob 5:7

Dran o mensheste kokres well i bibacht, jaake har dran i jag tikne chatchede kotja pre phurdedo wenn.

Hiob 7:1

I menshe hunte budrenn phares ap kai phub. Pengro tselo djipen marenn le pen tele har i budepangre, kai wenn haki rati plaissedo.

Hiob 7:6

Mire diwessa djan trujel jaake sik har i sub, hoi pre un tele djal. Un kowa hoi gomme glan mande hi, nai well tchi, hoi shukar hi.

Hiob 8:9

Hi jaake har te wams boldo taissar. Mer djinah tchi. Maro tsiro, kai ham ap kai phub, hi tikno har i suni.

Hiob 9:25

Miro djipen nashell sikeder krik har i naashepaskro. Hako diwes djal trujel un anas mange kek bacht.

Debleskri gili 39:5

Baro Dewel, sike mande, har sik o djipen trujel hi, un kai miro merepen wella, te djinap, te nai atchau gar hako tsiro kai.

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Debleskri gili 51:5

Awa, djinau, kai anom doosh ap mande. Un ko tchilatcho koowa, hoi krom, hi man o tselo tsiro glan mire jaka.

Debleskri gili 89:47

Baro Dewel, har rah kameh tut gomme te khatrell? Har rah mukeh tiri choli te chatchrell har i jag?

Sikepaskro 2:17

Kote his mange miro djipen buder gar shukar. Kowa, hoi i menshe krenna ap kai phub, hi tchitcheske. Halauter hi tchitcheske, un jaake har te nashals jek pal o ducho, hoi djal pral i phub.

Sikepaskro 2:23

Leskro tselo djipen hi pherde duka, un leskro budepen pherdo ropen. Ninna an i rati nai sowell lo gar. Kowa hi ninna tchitcheske.

Jeremia 20:18

Hoske wom dran miro dakro per win, te dikap ropen un duka, un djiwap hako diwes an ladj?

Mateo 11:11

Tchatchepah, me penau tumenge: Kek was boldo ap kai phub, kai hi bareder har o Johanni. Me penau tumenge ninna: O tikneder kolendar, kai mukenn man pengro rai te well, kowa hi bareder har o Johanni.