Hiob 13:4 - O Debleskro Drom 2021 (Sinte)

⁴ Tumer tchakrenn o tchatchepen o chochepah, han dramangre, kai tchi-moldo hi, – tumer halauter.

O Debleskro Lab 2024 (Sinte-Manouche)

⁴ T'mer čakrenn o čačepen o rhorhepah, han dramangre, kay či-moldo hi, – t'mer halauter.

Hiob 13:4 ပူးပေါင်းရင်းမြစ်များ

Nehemia 6:8

Kote mukom leske te penell: “Tchi kolestar, hoi tu kai rakreh, hi tchatcho. Dran tiro dji well kawa lauter!”

Hiob 16:2

Bud sau koowa shunom me. Tumare latche laba, hoi tumen mange hi, tumer halauter, krenn les mange gomme phareder!

Hiob 27:12

Tumer dikan kawa lauter ninna! Hoske rakrenn tumer palle sawo dinelo koowa?

Hiob 6:15

Mire mala sikran pen, te hi le chochene. Har panja hi le, kai truk wenn.

Hiob 6:20

Un har wenn le kote, his lauter tchitcheske: Kek pani hi koi.

Hiob 6:21

Jaake har kal panja, hoi buder gar koi hi, jaake wan tumer kanna mange. Tumer dikenn, har djungeles mange djal, un tumen taprell i bari daar.

Debleskri gili 119:69

Kol pre-phurde anan chochepen pre ap mande. Miro tselo djijestar krau me kowa, hoi tu menge penal.

2. Mose 20:16

Ma an kek chochepen pre ap jekeste!

Jeremia 23:32

Me kurau man kolentsa, kai chochene sunja rakrenna, un anenn mire menshen o tchatcho dromestar tele lengro chochepah un dinelo rakepah. Me bitchrom len gar, un dom len kek lab, te penenn le kowa dureder. Jon molenn tchi mire menshenge, penell o baro Dewel.

Jeremia 30:13

Tiro koowa lell kek an peskro wast. Kek dramaskro hi koi, kai pandell tiro dukepen, un kek nai krell tut sasto.

Jeremia 46:11

Tu bibachteli Egiptia, ninna te djah pral an o them Gilead, un leh tuke djet tiro dukepaske, hi kowa tchitcheske. Hi jek, har bud draba un djet tu leh, kowa nai krell tut gar sasto.

Jeremia 6:14

un krenn jaake, har te wans kol duka mire menshendar gar jaake pharo. Jon penenna: ‘Lauter hi mishto’, lauter hi mishto, ninna te hi tchi mishto.

Jeremia 8:22

Hi an o them Gilead kek dukepaskro djet? Hi kek dramaskro koi? Hoske dell kek sastepen mire menshenge?

Ezekiel 34:4

Kolenge, kai len kek soor buder his, wan tumer gar ap i rig, te wenn le pale soreles. Un kolla, kai nasselo his, kran tumer gar sasto. Un kolla, kai phagan pen i heri, lenge tchiwan kek diklo trul koi dukedi heri. Un kolla, kai nashran pen, anan tumer gar pale. Un kolla, kai nashedo his, rodan tumer gar. Un tchilatche sorjah hans i raja pral lende.

Hosea 5:13

Har dikas o Efrajim peskro nasslepen un o Juda peskro dukepen, djas o Efrajim an o them Assur, un putchas kote o baro rajestar, te well lo leske ap i rig. Kowa nai well tumenge gar ap i rig, witar gar nai krell lo tumaro dukepen sasto.

Markus 2:17

Har o Jesus kowa shunas, penas job ap lende: “Kolla, kai sasto hi, djan gar pash o dramaskro. Kolla, kai nasselo hi, djan pash leste. Me wom gar, te dap kolen pash mande gole, kai ap o tchatcho drom hi. Na-a! Me wom, te dap kolen pash mande gole, kai djan ap o tchilatcho drom.”

Markus 5:26

un das lauter, hoi lat his, i dramangrende. Un kek nashte kras lat sasto. Joi was gomme nassleder.