Hiob 13:24 - O Debleskro Drom 2021 (Sinte)

²⁴ Hoske khatreh tu tiro mui glan mande? Hoske rikreh man jekeske, kai kamell tuke tchilatchepen te krell?

O Debleskro Lab 2024 (Sinte-Manouche)

²⁴ Hoske khatreh tou tiro mouy glan mande? Hoske rikreh man yekeske, kay kamell touke čilačepen te krell?

Hiob 13:24 ပူးပေါင်းရင်းမြစ်များ

Hiob 10:16

Te hadau miro shero pre, palle leh tu man palla, har te wals i lewo, un sikreh tiri bari soor, te dukress man.

Hiob 10:17

Tu tchiweh menshen pre tardo, kai tchomone ap mande pre anenn. Un tiri choli ap mande well gomme bareder. Un tu bitchreh jek phagi pral i wawar ap mande.

Hiob 10:2

Me penau ap o Debleste: Ma pen: Doosh hi ap tute! Pen mange, hawi doosh tu ap mande hatsal?

Hiob 16:9

Leskri choli dandras man khetne un las man palla. Job sikrell peskre danda, un peskre jaka dikenn ap mande har te wans le tchurja.

Hiob 19:11

Un peskri choli mukas lo pral mande pre chatchell, un rikrell man har sawo mursheske, kai kamell leske tchilatchepen te krell.

Hiob 19:22

Hoske lenn tumer man palla har o Dewel kowa krell? Kran tumer mange gomme gar doha duka?

Hiob 30:21

Tu wal mange har i tchilatcho, un tiri tseli sorjah leh man palla.

Hiob 31:35

Ach, te wals jek koi, kai ap mande shunell! Hoi penom, tel kowa nai tchinau miro lab. O sorelo Dewel te rakrell pale! Kai hi ko liil, an koleste kowa miri doosh pre-tchinas, kai penell, te lom doosh ap mande?

Hiob 33:10

O Dewel anell tchomone ap mande pre, hoi me gar krom. Job rikrell man har sawo mursheske, kai kamell leske tchilatchepen te krell.

Debleskri gili 10:1

Baro Dewel, hoske hal tu jaake dur mandar krik? Hoske khatreh tu tut mandar an o tchilatcho tsiro?

Debleskri gili 13:1

I gili o rajeske pral i gipangre. O David kras kai gili.

Debleskri gili 44:24

Ste pre! Hoske soweh tu, mo rai? Ste pre un tchip men gar pale hako tsireske!

Debleskri gili 44:25

Hoske dikeh tu gar ap mende? Bistral tu, har djungeles menge djala, har phares jon menge o djipen krenna?

Debleskri gili 88:14

Me dau ap tute gole, baro Dewel. Sik taissarlakro anau miro mangepen glan tute.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre jaka o Jakobeskre menshendar.

Ropaskre gilja 2:5

O baro Dewel was har jek, kai hi tchilatcho ap mende. Job das o them Israel khetne. Job phagas i tsele shukar khera tele un kras i sorele forja paash. Bud ropen un dukepen anas lo pral o them Juda.

5. Mose 32:20

Un job penas peske: Me rikrau man pale lendar, kamau te dikell, har lentsa dureder djal, kolentsa, kai pal pengro shero djan, un tchi buder mandar kamenn te djinell.

2. Tessalonikarja 3:15

Ma dikenn ap leste har ap jekeste, kai kras tumenge tchilatcho koowa. Na-a, job hi tumaro phraal. Penenn leske, hoi job gar mishto kras, te well lo pale ap o tchatcho drom!

1. Samuel 28:16

Un o Samuel penas: “Hoske putcheh tu mandar, te djas o baro Dewel tutar, un job buder gar tuha hi?