Hiob 12:21 - O Debleskro Drom 2021 (Sinte)

²¹ Bari ladj anell lo ap i an-dikle pralstunende. Un i sorelendar lell lo lengro kurepaskro koowa krik.

O Debleskro Lab 2024 (Sinte-Manouche)

²¹ Bari ladj anell lo ap i an-dikle pralstunende. Oun i zorelendar lell lo lengro kourepaskro koova krik.

Hiob 12:21 ပူးပေါင်းရင်းမြစ်များ

2. Rajengro liil 9:26

O baro Dewel penas leske: ‘Me dikom har taissar o Nabot un leskre tchawe mulo dino wan. Kate ap leskro kotar them dau tut pale, hoi tu leske kral.’ Doleske penau tuke: Le les un witse les koi! Jaake well kowa, har o baro Dewel penas.”

Hiob 12:18

I pandlen kol bare rajendar anell lo dran o pandepen win, un anell i bare rajen an o pandepen.

Hiob 3:15

Woms tchiddo mank i pralstunende, kolen sonakai his, un kolengre khera pherdo rup his.

Hiob 30:11

O Dewel phagas miri soor, un kras man tiknes. Doleske krenn le mantsa, hoi le kamenn.

Hiob 34:19

Job dikell gar i pralstunes feteder an har i wawares, un tserdell o braweles gar o tchorweleske glan. Leskro wast kras len halauter.

Debleskri gili 107:40

Koi mukas lo ladj ap lengre raja te perell, un jon hunte nashan an o mulo them trujel, kote kai kek drom hi.

2. Mose 16:24

Kote hadan le pre o wawar diweske taissarlakro, jaake har o Mose penas. Un tchi khandas un kek kirmo was dren.

2. Mose 8:2

Kote rikras o Aron peskro wast pral i panja an o them Egiptia. Un i djambe wan pre, un his jaake bud, te his o tselo them lentsa pherdo.

Jesaja 11:5

Hako tsiro krell lo o tchatchepen. Hako tsiro penell lo, hoi tchatcho hi. Doleske hi o tchatchepen trul leste har i pereskri dori trul i ripen.

Jesaja 22:21

Un riwau les an tiri kutch baja, un tiro pereskro pandepen tchiwau leske trujel. Un lauter, pral kowa tu rai hals, dau an leskro wast, te well lo har i dad kolenge, kai an Jerusalem djiwenn un o tselo khereske Juda.

Jesaja 23:9

O baro Dewel, ko rai pral o bolepen un i phub penas, te well kowa jaake. Job kamas lenge ko tselo railepen krik te lell, koleha jon pen jaake bares kran, un kamas i an-dikle murshen ap i phub tiknes te krell.

Jesaja 37:38

Un har lo an-mangas an o kheer leskro deblestar, o Nisroch, dan les leskre tchawe, o Adrammelech un o Sharezer, mulo o chareha. Un jon nashan penge krik an o them Ararat. Un leskro tchawo Asarhaddon was baro rai pal leste.

Jesaja 40:23

Job krell, te well i pralstunen buder tchi penepaske, un i rajenge pral i phub lell lo lengri soor krik.

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Jesaja 5:27

Pash lende hi kek khino, un kek, kai djal banges, kek, koleske i jaka pandlo djan un kek, kai sowella. Un kekeske lendar djal o pereskro pandepen pre, un lengre dorja ap lengre kircha hi soreles un djan gar paash.

Amos 2:3

Me marau lengro baro rajes un i lengre tsele pralstunen, penell o baro Dewel.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

Efesarja 6:10

Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

Efesarja 6:14

Awenn jaake rido har i kurepaskro, kai djal an o kurepen! Trul leskro per hi i pessi soreli dori, un ap leskro betch i sasterno gad. Ap peskre pire riwell lo sorele kircha. Glan leste rikrell lo i buchli sasterni patri. Ap leskro shero hidjrell lo i sasterni stadi un an leskro tchatcho wast i charo. Djiwenn an o tchatchepen! Kowa hi jaake har te pandan i pessi soreli dori trul tumaro per. Krenn kowa, hoi hi mishto un latcho! Kowa hi har i sasterno gad ap tumaro betch.