Hiob 12:14 - O Debleskro Drom 2021 (Sinte)

¹⁴ Kowa, hoi job tele phagas, nai tchiwell kek pale pre. Kones job dren pandas, koleske nai krell kek pale pre.

O Debleskro Lab 2024 (Sinte-Manouche)

¹⁴ Kova, hoy yob tele phagas, nay čivell kek pale pre. Kones yob dren pandas, koleske nay krell kek pale pre.

Hiob 12:14 ပူးပေါင်းရင်းမြစ်များ

1. Mose 7:16

jaake har o Dewel leske penas, te krell lo kowa. Un o baro Dewel kras o wudar pandlo pal lende.

Hiob 11:10

Te well job un pandell jekes, un anell les glan i tsillo, te krell lo o tchatchepen pral leste win, koon nai rikrals les pale?

Hiob 16:11

Miro Dewel das man o tchilatchenge an i wasta, kolenge, kai kamenn lestar tchi te djinell.

Hiob 19:10

Job dell man khetne haki rigjatar, sik hom gar buder. Job kras, te patsap buder gar ap o latchepen, te dell lo man kowa.

Hiob 37:7

Jaake krell lo, te mukenn i menshe pengri budi tchiddo, te dikell hakeno, hoi job nai krell.

Sikepaskro 7:13

Dik, hoi o Dewel halauter kras! Kek nai krell wawartchandes, hoi job bango kras!

Jesaja 14:23

Me krau dran o foro i sapeni platsa, kai i stachelengre djiwenn. Un khossau o tselo foro krik, har jek i besa lell un o kheer win khossell. Kowa penau me, o baro Dewel, ko rai pral o bolepen un i phub.

Jesaja 22:22

Un me dau les o klido o wudareske an o Davideskro kheer. Hoi krell job pre, nai pandell kek tele. Hoi pandell job tele, nai krell kek pre.

Jesaja 25:2

Tu kral o sorelo foro paash. Lestar atchas tchi pral har barra. Ko foro, kai i soreli massuri trul leste his, hi tchiddo an kotja. Kote, kai rajen dran wawar themma pengre shukar khera his, hi kek foro buder. Un kek nai tchiwell len pale pre.

Jeremia 51:58

Kawa penell o baro Dewel, ko rai pral o bolepen un i phub: I massurja ko baro forestar Babilon wenn tele phagedo bis ap i phub, un o foreskre bare wudja wenn chatchedo. Palle hi koi budi tchitcheske kerdo, hoi menshe dran wawar themma kran. Koleske jon pen tele maran, kowa chatchrell pre.

Jeremia 51:64

un pen: “Jaake hunte djal o foro Babilon tele, un well buder gar pre dran koi bari bibacht, hoi o baro Dewel pral kau foro anell.” Palle hi ko foro buder gar koi. Kalla his o Jeremijeskre laba.

Ezekiel 26:14

Me krau, te wess i nango baro bar, ap koleste i matchengre pengre gone win tchiwenn. Un tu wess buder gar newes kerdo. Kawa penom me, o baro Dewel, tumaro rai.

Maleachi 1:4

Te penenn ninna leskre tchawe, kol Edomarja: ‘Ninna te wan mare forja paash dino, mer tchiwah len newes pre’, palle penau me, o baro Dewel, ko rai pral o bolepen un i phub: ‘Ninna te tchiwenn le kol forja pale pre, me dau halauter pale paash.’ Un wawar menshe penenn pral lende ‘tchilatcho them’ un ‘kalla hi menshe, pral kolende o baro Dewel pes choirella an hako tsiro’.

Remarja 11:32

O Dewel mukas i tsele menshen i tsiro, kai shunan le gar ap leste, te nai well lo lauterenge latches.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.

1. Samuel 17:46

Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.

1. Samuel 24:18

Un palle penas lo ap o David: “Tu hal feteder an o tchatchepen tardo har me. Tu hals ap mande latches, me homs tchilatches ap tute.

1. Samuel 26:8

Un o Abishai penas ap o David: “Kau diwes das o Dewel tut koles an tiro wast, kai kamell tut te marell. Jaake muk man leskro witsepaskro tchuri te lell, un les an i phub te dell. Jek dap hi doha. I duito kopo hunte dap me gar buder tchurje.”