Hiob 12:13 - O Debleskro Drom 2021 (Sinte)

¹³ O Debles hi goswepen un ninna soor. Job haiwell halauter, un nai penell, hoi te well kerdo.

O Debleskro Lab 2024 (Sinte-Manouche)

¹³ O Debles hi gosvepen oun ninna zoor. Yob hayvell halauter, oun nay penell, hoy te vell kerdo.

Hiob 12:13 ပူးပေါင်းရင်းမြစ်များ

Hiob 11:6

Job djinell halauter pral halauter. Kamoms, te sikrals lo tute peskro goswepen, hoi menge khatedo hi. Palle hunte haiwess, te dikell o Dewel pral bud doosh tutar pral wergel!

Hiob 12:16

Pash leste hi i soor un o tchatcho goswepen. Les hi ninna i soor pral koleste, kai perell o tchatcho dromestar tele, un pral koleste, kai anell les o tchatcho dromestar tele.

Hiob 26:12

Peskri sorjah kras lo o baro pani, te well lo diwjo, un job haiwas, har nai das lo o Rahab mulo.

Hiob 36:5

O Dewel hi baro un sorelo, un dikell ap kekeste tele. Koi hi tchi, hoi haiwell un djinell job gar.

Hiob 38:36

Koon tchiwas o goswepen kote, kai lo khatedo hi? Un koon krell, te nai haiwell i mensho tchomone?

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

Debleskri gili 147:5

Baro hi o Dewel, maro rai, un les hi bari soor. Kowa lauter, hoi job an peskro goswepen krella, haiwah nai gar.

Gosewe laba 8:14

Mire labentsa sikrau jekeste o drom, un krau leskre jaka pre. Djinau, hoi mishto un gar mishto hi, un man hi i soor.

Jesaja 31:2

Ninna job hi gosewo un djinell hoi lo krell. Job bitchrell i bibacht, un lell gar peskre laba pale, kolentsa job len trad das. I tchilatchen dell lo i phagi un ninna kolen, kai lenge ap i rig wan.

Jesaja 46:10

An o phuro tsiro penom me glan-wi, hoi wella. Glan rah tsiro rakrom kolestar, hoi gomme gar his. Un me penau: Kowa hoi me mange glan lom, well jaake. Un me krau lauter, hoi kamau te krell.

Jeremia 10:12

Job, o baro Dewel, kras i phub peskri sorjah. Dran peskro goswepen tchiwas lo i phub soreles tardo, un kras o bolepen koi pral.

Daniel 2:20

un penas: Sharedo well o Dewel kanna un hako tsireske! Leske hi o goswepen un i soor.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Remarja 11:34

Kek haiwell lauter kowa, hoi hi an o Debleskro dji. Job hi o rai. Kek nai penell leske, hoi job hunte krella.

1. Korintarja 1:24

Mank kolende, kolen o Dewel peske win rodas, hi bibolde un sawe, kai kek bibolde hi. Jon te shunenn o lab o Jesus Kristestar, palle dikenn le an leste o Debleskri soor un leskro goswepen.

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

Efesarja 1:8

Bud kope his lo menge latches, un das men ninna goswepen, te haiwas leskro drom.

Kolossarja 2:3

Job kokres nai dell tumen o tselo goswepen, te haiwenn o Debleskro lab mishto.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.