Hiob 12:11 - O Debleskro Drom 2021 (Sinte)

¹¹ Te shunell i mensho, hoi rakedo well, putchell lo pes gar, hoi tchatcho un hoi gar tchatcho hi? Kowa hi jaake har peskro mui djinell, hawo chapen latcho un hawo chapen gar mishto hi.

O Debleskro Lab 2024 (Sinte-Manouche)

¹¹ Te shounell i mensho, hoy rakedo vell, poučell lo pes gar, hoy čačo oun hoy gar čačo hi? Kova hi yaake har peskro mouy djinell, havo rhapen lačo oun havo rhapen gar mishto hi.

Hiob 12:11 ပူးပေါင်းရင်းမြစ်များ

Hiob 34:3

Jaake har o mui haiwell, hi o chapen latcho oder gar, jaake hunte hatsell o kand win, hi ko rakepen mishto oder gar.

Hiob 6:30

Rakrell miro mui chochene laba? Na-a! Me djinau, hoi latcho un hoi tchilatcho hi!

1. Korintarja 10:15

Me rakrau tumentsa har menshentsa, kai gosewe hi. Putchenn tumaro dji, te hi kawa lauter tchatcho, hoi me penau!

Filiparja 1:10

Jaake nai dikenn, hoi mishto un tchatcho hi. Un ap ko diwes, kai well o Jesus Kristo pale, han tumer an o tchatchepen glan leste tardo, un kek doosh hi ap tumende.

Hebrearja 5:14

O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

1. Petro 2:3

Tumer haiwan, har latcho maro rai Jesus hi.