Hiob 12:10 - O Debleskro Drom 2021 (Sinte)

¹⁰ An leskro wast hi o djipen halauterestar, hoi djiwella, ninna o djipaskro ducho i tsele menshendar!

O Debleskro Lab 2024 (Sinte-Manouche)

¹⁰ An leskro vast hi o djipen halauterestar, hoy djivella, ninna o djipaskro dourho i tsele menshendar!

Hiob 12:10 ပူးပေါင်းရင်းမြစ်များ

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 6:17

Dik! Me mukau i baro pani te well pral i tseli phub, te tassenn lauter, kai djipen an lende hi. Halauter merella, hoi ap i phub djiwella.

Hiob 27:3

Jaake rah har an mande gomme djipen hi, un o ducho o Deblestar an miro nak hi,

Hiob 27:8

Ap hoi nai rikrell pes kowa, kai kamell tchi o Deblestar te djinell, te well ko tsiro, kai lo hunte merell, un o Dewel leskro djipen lestar lell?

Hiob 33:4

O ducho o Deblestar kras man. Awa, o ducho o sorelo Deblestar das man o djipen.

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 104:30

Tu te bitchreh tiro djipaskro ducho, wenn le kerdo, un tu deh newo djipen ap i phub.

Sikepaskro 9:1

Kowa halauter lom ap miro dji, te haiwap kowa: Tchatche un gosewe, un halauter hoi jon krenna, hi an o Debleskro wast. Kek djinella, wenn i wawar latches ap leste? Wenn le chojedo ap leste? Kowa lauter well diklo an ko tsiro, hoi wella.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 57:16

Kamau gar hako tsiro pral i menshende te tchingrell un man choirell. te merenn le gar lauter glan mande, kol menshe, kolen me krom.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

4. Mose 16:22

Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

Johanni 3:6

Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo.

Bičepangre 17:25

Mer hunte anas les tchi te chal un te pijell. Job das lauteren o djipen, un job dell len lauter kowa, hoi len hunte well djipaske.

Bičepangre 17:28

An leste djiwah mer, un halauter, hoi mer krah, krah mer an leste. Un mer ham an leste. Ninna tumare gosewe mursha penan: Mer wah o Deblestar.