Hiob 11:6 - O Debleskro Drom 2021 (Sinte)

⁶ Job djinell halauter pral halauter. Kamoms, te sikrals lo tute peskro goswepen, hoi menge khatedo hi. Palle hunte haiwess, te dikell o Dewel pral bud doosh tutar pral wergel!

O Debleskro Lab 2024 (Sinte-Manouche)

⁶ Yob djinell halauter pral halauter. Kamoms, te sikrals lo toute peskro gosvepen, hoy menge khatedo hi. Palle hounte hayvess, te dikell o Devel pral boud doosh toutar pral vergel!

Hiob 11:6 ပူးပေါင်းရင်းမြစ်များ

Esra 9:13

Un har ko tselo tchilatcho koowa kram un jaake bud doosh ap mende anam, was kai bari bibacht ap mende. Ach, maro Dewel, tu rikral tut pale un dal men gar koi phagi, hoi hunte lams. Un mukal mendar sawe djides, kai wan dran o pandepen pale win, un wan pale kate an o them Israel.

Hiob 11:5

Kamoms, te krals o Dewel kanna peskro mui pre un rakrals kokres ap tute!

Hiob 12:13

O Debles hi goswepen un ninna soor. Job haiwell halauter, un nai penell, hoi te well kerdo.

Hiob 15:11

Dran mende rakras o Dewel kamles tuha. Job kamell o duk dran tiro dji krik te lell. Hi kowa tuke gar doha?

Hiob 15:5

Pal bud laba khatreh tiri doosh, un rakreh har i chocheno rakrell.

Hiob 15:8

Hals tu pashel, har o Dewel peskre bolepangre khetne his, un shunal, hoi kote rakedo was? Patseh, te hal tu kokres gosewo?

Hiob 22:5

Na-a! Tiro tchilatchepen hunte wals baro – doleske krell lo kowa! Kreh tu gar pale te pale tchilatcho koowa?

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Hiob 33:12

Dik, Hiob, me hunte penap tuke, kate hal tu gar an o tchatchepen. O Dewel hi bareder har i mensho.

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

Debleskri gili 103:10

Job dell men gar i phagi pal kowa, hoi kram, un dell men maro tchilatchepen gar pale.

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

Ropaskre gilja 3:22

O baro Debleskro latchepen herell gar pre, leskro kamlepen hi hako tsiro menge koi.

Daniel 2:28

Kanna djin, an o bolepen hi i Dewel, kowa nai sikrell, hoi khatedo hi. Un job mukell o baro rajes Nebukadnezares te djinell, hoi wella an kol tsirja, kai wenna. Ake kowa, hoi suni dal un ko dikepen, hoi dikal, har sowal:

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

Mateo 13:35

Un jaake was kowa tchatcho, hoi o Debleskro rakepaskro glan i rah tsiro penas: O Dewel penas: Me rakrau ap lende sawe labentsa, kai i khatedo tchatchepen dren hi. Me penau lenge kowa, hoi kek mensho djinas, jaake rah har i phub tardo hi.

Efesarja 3:5

An o phuro tsiro djinan i menshe kowa gar. Kanna djinenn les o Debleskre bitchepangre un rakepangre. Lenge tchiwas les o Debleskro Ducho an o dji.