Hiob 11:14 - O Debleskro Drom 2021 (Sinte)

¹⁴ Te kral tchilatchepen, muk tele kolestar, te well kek tchilatchepen an tiro kheer hatslo.

O Debleskro Lab 2024 (Sinte-Manouche)

¹⁴ Te kral čilačepen, mouk tele kolestar, te vell kek čilačepen an tiro kheer hatslo.

Hiob 11:14 ပူးပေါင်းရင်းမြစ်များ

1. Mose 4:7

Kowa hi jaake: Te kreh, hoi mishto hi, nai dikeh tu i menshen an i jaka. Te kreh, hoi gar mishto hi, hi o tchilatchepen gar dur tutar, un kamell rai pral tute te well. Tu hunte wess rai pral o tchilatchepen.”

2. Rajengro liil 17:13

Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”

Hiob 22:23

Te weh tu pale pash o sorelo Debleste, krell lo tut pale sorelo. Tchip o tchilatchepen dur krik dran tiro kheer!

Hiob 22:5

Na-a! Tiro tchilatchepen hunte wals baro – doleske krell lo kowa! Kreh tu gar pale te pale tchilatcho koowa?

Hiob 34:32

Sike tu man, hoi me gar dikau! Te his kowa tchilatches, hoi me krom, krau me les palle buder gar.”

Hiob 4:7

Rake tiro djijeha, un pen mange, kai maras o Dewel jekes, ap koleste kek doosh his? Kai las lo o djipen jekestar krik, kai his an o tchatchepen tardo?

Hiob 8:6

un djiweh i djudjo djipen an o tchatchepen, palle stell lo tuke pre, un mukell les tuke un tiri familjake pale mishto te djal, jaake har tchatcho hi.

Debleskri gili 101:2

Me dau jak, te djap o tchatcho drom. Kamau te wess pash mande. I djudjo djijeha djiwau khetne lauterentsa an miro kheer.

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”