Hiob 10:9 - O Debleskro Drom 2021 (Sinte)

⁹ Ma biste, te kral man dran tchik. Kameh tu kanna, te wap pale tchik?

O Debleskro Lab 2024 (Sinte-Manouche)

⁹ Ma biste, te kral man dran čik. Kameh tou kanna, te vap pale čik?

Hiob 10:9 ပူးပေါင်းရင်းမြစ်များ

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Hiob 10:10

Tu kral, te was miri dai mantsa wawartchandes, un kral, te wom me i tikno mensho an late.

Hiob 17:14

Ap i grufta penau: Tu hal miro dad! Ap i kirme: Tumer han miri dai un mire phenja.

Hiob 33:6

Dik, glan o Debleste hom me jaake bud har tu hal. Un me ninna hom dran i tchik kerdo.

Hiob 34:15

palle merans halauter, hoi djiwenn, ap jek kopo, un o mensho wals pale tchik.

Hiob 4:19

Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

Hiob 7:21

Hoske leh tu ko tchilatchepen gar krik mandar, hoi krom, un bistreh miri doosh? An i tikno tsiro wau tel i phub. Te rodeh pal mande, hom me gar buder koi.

Hiob 7:7

Ma biste, miro Dewel, te hi miro djipen har i ducho. Mire jaka dikenn buder kek bacht.

Debleskri gili 103:14

Job djinell, kai menshe ham; te ham dran tchik kerdo, bistrell lo gar.

Debleskri gili 104:29

Tu te djah lendar krik, taprell len i daar. Tu te leh lendar o ducho, merenn le, un wenn pale tchik.

Debleskri gili 106:4

Baro Dewel, tu dal tire menshende tiro lab, te wess ap lengri rig. Biste man gar un ab mange latcho!

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Debleskri gili 25:18

Dik ap miro pharo djipen, un har djungeles mange djala, un biste miri tseli doosh!

Debleskri gili 78:39

Job djinas, te hi le menshe, kai hunte merenn, un hi sik buder gar koi, jaake har i ducho, hoi djal un gar pale wella.

Debleskri gili 89:47

Baro Dewel, har rah kameh tut gomme te khatrell? Har rah mukeh tiri choli te chatchrell har i jag?

Debleskri gili 90:3

Tu penell menge: “Awenn pale, tumer menshe!” Un mukeh men pale tchik te well.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jesaja 64:8

Baro Dewel, muk tiri choli gar jaake bares te well, te bistress mari doosh gar buder. Dik ap mende, mangah tut, tire menshe ham halauter.

Jeremia 18:6

Putchau tumendar dran o kheer Israel: Nai krau me tumentsa gar har kowa kai krell pirja? Dikenn, har koi tchik an leskro wast hi, jaake han ninna tumer dran o kheer Israel an miro wast.

Remarja 9:21

Kowa hi jaake har pash i mensheste, kai krell tchare un pirja dran jek kotar loli phub. Te kamell lo, krell lo i shukar tcharo, hoi bud moldo hi. Un te kamell lo, krell lo i wawar tcharo, kai tchiklo koowa dren tchiddo wella.

2. Korintarja 4:7

O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.