Hiob 10:21 - O Debleskro Drom 2021 (Sinte)

²¹ glan te djau koi, kai wau buder gar pale – an o tamlo them, kai hako tsiro kali rat hi

O Debleskro Lab 2024 (Sinte-Manouche)

²¹ glan te djau koy, kay vau bouder gar pale – an o tamlo them, kay hako tsiro kali rat hi

Hiob 10:21 ပူးပေါင်းရင်းမြစ်များ

2. Samuel 12:23

Kanna hi job mulo. Hoske hunte chap un pijap tchi? Nai krau les djido? Jek diwes wella, kai djau pash leste. Job nai well gar pale pale pash mande.”

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

Hiob 10:22

awa, an ko them pherdo tamlepen un kali rat, kai lauter diwjes trujel tchiddo hi, un kai ninna i momeli tamlo hi.

Hiob 16:22

Gar bud bersha hi gomme glan mande, un me djau ko drom, kolestar kek palpale well.

Hiob 17:13

Hi buder tchi, ap kowa nai dikaus. Glan mande hi o mulengro them. Kote an o kalepen nai tchiwau man tele.

Hiob 3:13

Te woms mulo, woms koi tchiddo, un sowoms, un woms pokones.

Hiob 3:5

Mu well ko diwes pherdo kalepen un tamlepen! Kale wolke mu atchenn pral leste! Un o kham mu well kalo ap ko diwes, te well i menshenge bari daar!

Hiob 34:22

Kek rat un kek kalepen hi jaake tamlo, te nai khatrans pen i tchilatche kote dren.

Hiob 38:17

Hals tu tardo pash i wudja an o mulengro them? Un dikal tu i wudja glan koi platsa, kai hi baro kalepen.

Debleskri gili 23:4

Ninna te nashau me mashkral i tamli tala, darau me glan kek bibacht. Tu hal pash mande. Tiro kashteha aneh tu man pale, un rikreh i diwje viechen mandar krik, jaake hunte trashap gar.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Debleskri gili 49:20

hunte merell lo un djal kote, kai leskre mule phure hi, kolla, kai buder gar i momeli dikenna.

Debleskri gili 88:13

Djinenn le kote, kai kali rat hi, hawo baro koowa tu kral an tiri soor? Haiwenn le tiro tchatchepen kote an ko them, kai lauter bistedo hi?

Debleskri gili 88:6

Man dan le pre har i mules. Mange djal har kolenge, kai mulo dino un paskedo wan, un kolen bistral, un lenge buder tchi kreh.

Sikepaskro 11:8

I mensho, te djiwell lo bud bersha, mu well lo bachtelo pral hako bersh, kai djiwell lo. Mu bistrell lo gar, te wenn kale diwessa. Ninna kolla hi bud. Halauter, hoi wella, hi menge khatedo.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jesaja 38:11

Me dikau o baro Debles gar buder kate an o them, kai i djide hi. Un kote, kai hi kek djipen buder, dikau kek wawar menshen buder.

Jeremia 2:6

Un putchan pen gar: Kai hi o baro Dewel, kai anas men dran o them Egiptia win, un djas glan mende an o mulo tato them, an ko diwjo un truk them, kai tchi har santa un barra hi, kai kek drom hi, un kek mensho djiwell?