Hiob 1:5 - O Debleskro Drom 2021 (Sinte)

⁵ Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

O Debleskro Lab 2024 (Sinte-Manouche)

⁵ Oun har kol divessa trouyel his, kay le rhan oun piyan, palle bičras o Hiob pash lende, te venn le pash leste. Oun yob stas sik taysarlakro pre, oun maras hakeneske lendar i firho, oun rhačras les o Debleske, te vell lengri doosh krik lino. Yob penas peske: Nay djals, te lan mire morsh čave doosh ap pende, oun rakran djoungeles pral o Debleste an pengre djia. Oun yaake kras o Hiob pal hako baro rhapen, hoy leskre morsh čave kran.

Hiob 1:5 ပူးပေါင်းရင်းမြစ်များ

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

1. Mose 8:20

Un o Noah kras i chatchepaskri platsa un las hake viechendar, kai gar pale-tchiddo hi un hake tchirklendar, kai gar pale-tchiddo hi. Un das len mulo un chatchras len ap koi platsa, te parkrell lo pes pash o baro Debleste.

1. Rajengro liil 18:31

las deesh-te-dui barra, jek bar hako tchaweske o Jakobestar. Ap koleste penas o baro Dewel glan i rah tsiro: “Tiro lab well kanna Israel.”

1. Rajengro liil 21:10

Palle beshenn dui murshen, kai tchi moldo hi, pash leste. Kolla te rakrenn, har te penans le o tchatchepen glan lauterende: ‘Nabot, tu praassal o Debles un o baro rajes.’ Palle anenn les dran o foro win un witsrenn les i barrentsa mulo!”

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

Nehemia 12:30

Un i rashaja un Levitarja tchoran Debleskro pani ap pende, te krenn le pen djudjo glan o Debleste. Un palle tchoran le ninna o Debleskro pani ap i menshende, ap o foreskre wudja un ap i massuri.

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

Hiob 1:4

Un leskre mursh tchawe, hakeno lendar, kras i baro chapen an peskro kheer ap peskro diwes. Un jon mukan pengre triin phenjen te well, te chan un pijenn le khetne.

Hiob 2:9

Kote penas leskri romni ap leste: “Rikreh tu gomme ap tiro patsepen? Pen tut o Deblestar tele un mere!”

Hiob 27:10

Job hi gar sawo mensho, kai hatsell peskri bacht pash o sorelo Debleste, un dell hako tsiro gole ap leste.

Hiob 41:25

Ap i phub hi kek wawar har job, jaake kerdo, te nai krell leske tchi daar.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

Hiob 6:14

Kones kek dji hi peskro maleske, koles hi gar o sorelo Dewel glan i jaka pash kowa, hoi lo krell.

Hiob 8:4

Tire tchawe kran, hoi tchilatches his glan leskre jaka. Doleske das lo len pengri phagi.

Debleskri gili 5:3

De jak ap miri gole! Tu hal miro baro rai un miro Dewel, koles me mangau.

2. Mose 18:12

Un o Jetro las i viecho, hoi job o Debleske maras un tseles chatchras, un ninna wawar vieche, hoi job maras, te chan le len khetne glan o Debleste. Un o Aron un i tsele phureder dran Israel wan un chan khetne o Moseskri romjakro dadeha kote, kai jon o Debles an-mangan.

2. Mose 19:10

Un o baro Dewel penas ap o Mose: “Dja pash lende un pen lenge, te krenn le pen djudjo mange kau diwes un taissar, te thowenn le pengre koola.

2. Mose 24:5

Un job bitchras terne murshen win, te marenn le viechen un chatchrenn len o baro Debleske. Koi pashel his ninna terne gurma. Kolen maran le, te nai chan i Israelitarja ko mass khetne glan o baro Debleste.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Ezekiel 14:14

Ninna te wans kal triin mursha an ko them, o Noah, o Daniel un o Hiob, palle lans jon kokres pengro djipen dran o merepen win, kek wawar lentsa. Jon djiwan an o tchatchepen. Doleske loms len kokres dran o merepen win. Kawa penau me o baro Dewel, tumaro rai.

Louka 1:75

jaake te djiwas mer leske i djudjo un latcho djijeha jaake rah, har djiwah.

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Johanni 11:55

His i tikno tsiro glan kol bare biboldengre diwessa, kai kharenna Passa. Dran ko tselo them wan i menshe an o foro Jerusalem, te thowenn pen le an o pani glan o Passa, jaake har i biboldengro koowa hi.

Bičepangre 21:26

Koi las o Paulo kol murshen pash peste. Un o wawar diwes thowas lo pes lentsa khetne pal o biboldengro tchatchepen. Palle djas job an o Debleskro baro kheer. Un kote penas lo i rashajenge: “Mer thowam men pal o biboldengro tchatchepen. An efta diwessa anah mer viechen hakeneske mendar, te wenn le maredo o Debleske. Koi tsiro hi kanna trujel, ap hoi mer men sowel dam.”

Bičepangre 8:22

Kanna, muk tiro tchilatcho drom, un pen o Debleske, te khaitell tut ko tchilatcho koowa, hoi tu kral. Un mange lestar, te lell lo koi doosh tutar!

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

2. Korintarja 11:2

Jaake har o Dewel kamell, kamau me ninna o tselo djijestar, te djan tumer gar o Jesus Kristestar krik. Tumer han mange har i tchai, kai dom jek mursheste, te well li leskri pirni. Ko jek mursh hi o Jesus Kristo. Kamau te anap leske i djudji terni djuwel ap ko diwes, kai romedinerell lo lat.

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

1. Samuel 16:5

“Awa”, penas lo. “Me hom kai, te anap o baro Debleske i vieches. Krenn kowa, hoi glan tchinlo hi, te wenn djudjo o Debleske! Un awenn mantsa, te chas mer o vieches, hoi anom o Debleske.” Un job kras ap o Isai un leskre tchawende kowa, hoi glan tchinlo hi, te wenn le djudjo o Debleske, un penas: “Awenn mantsa, te chas mer o vieches, hoi dau o Debleske.”