Hiob 1:21 - O Debleskro Drom 2021 (Sinte)

²¹ Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

O Debleskro Lab 2024 (Sinte-Manouche)

²¹ Oun yob penas: “Har boldo vom, his kek koola ap mande. Oun ap ko dives, kay merau, lau kek koola mantsa. O baro Devel das man lauter, hoy man hi. Oun o baro Devel las les pale mandar. Yob vell sharedo!”

Hiob 1:21 ပူးပေါင်းရင်းမြစ်များ

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Mose 30:2

Koi las o Jakob i bari choli ap i Rachel un penas: “Hom me o Dewel, te nai dap tut tchawe!”

1. Mose 45:5

Kanna hunte khaitell tumen kowa gar, kai bikran man! Choirenn tumen gar pral kowa! O Dewel bitchras man glan tumende kai, te merenn i menshe gar i bokatar.

2. Samuel 16:12

Nai well, kai o baro Dewel dikell miri bibacht, un krell latchepen dran ko praassepen.”

1. Rajengro liil 12:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

2. Rajengro liil 20:19

Kote penas o Hiskija ap o Jesaja: “Ko lab o baro Deblestar hi mishto, hoi tu rakral.” O Hiskija penas peske: Mange hi mishto, te hi kek kurepen un marepen an mire diwessa.

Nehemia 9:5

Un i Levitarja, o Jeshua, un o Kadmijel, un o Bani, un o Hashabneja, un o Sherebja, un o Hodija, un o Shebanja, un o Petachja penan: Stenn pre! Sharenn o baro Debles! Job hi tumaro Dewel. Sharenn les kanna un hako tsireske! Baro Dewel, hakeno te sharell tiro railo lab! Kek wawar lab hi jaake baro un railo har tiro lab.

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

Hiob 2:10

O Hiob penas ap late: “Tu rakreh jaake har i dineli tchai rakrell. O latchepen lam o Deblestar. Las mer gar ninna o tchilatcho koowa lestar?” Ninna te was kowa lauter jaake, anas o Hiob kek doosh ap peste un witsras o Debleske kek tchilatchepen glan.

Hiob 9:12

Te lell lo jekes sorjah krik, koon kamell les pre te rikrell? Kek nai penell ap leste: Hoi kreh tu?

Debleskri gili 34:1

I gili o Davidestar, hoi job giwas, har job pash o Abimelech kras, har te wals lo dinelo, un kowa les krik tradas.

Debleskri gili 34:2

Me kamau o baro Debles te sharell hako tsireske, un kamau gar tele mukell, te parkrap man pash leste.

Debleskri gili 39:9

te less man win dran miri tseli doosh! Ma muk i dinelen pral mande te sal!

Debleskri gili 49:17

Ma choje tut, te well jek brawelo, un leskro kheer bareder un shukeder wella!

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 5:14

Jaake har jek nanges boldo was, jaake djal lo pale, har lo was. Ninna te budras lo bud, nai lell lo tchi pestar peha, te merell lo.

Sikepaskro 5:15

Job hunte djal, har lo was. Kowa hi i bari bibacht leske. Leskri phari budjatar atchell leske tchi. Kowa hi, har te marals lo pes tele tchitcheske.

Sikepaskro 5:19

O Dewel das les bacht an o dji. Doleske hunte krell lo peske kek shero pral o tikno tsiro, kai hi lo ap kai phub.

Jesaja 24:15

Hadenn o baro Debles, tumer kai djiwenn kote, kai o kham pre djal! Un an i panjengre themma denn win gole: “Har railo hi o baro Dewel, kai o Israeleskro Dewel hi!”

Jesaja 42:24

Koon his kowa, kai mukas o Jakobes win te randell, un das o Israeles i tchorepangren an i wasta? His kowa gar o baro Dewel? Job hi, koleske o dumo sikram un leskro drom gar djam, un ap leskre laba gar shunam.

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Ropaskre gilja 3:38

Kowa hi o Dewel pral halauter, kai penell, te well i bibacht un ninna i bacht.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Mateo 20:15

Me krau nai mire lowentsa, hoi me kamau. Hoske hal tu tchilatcho ap mande, te hom me latcho?

Bičepangre 4:28

Jaake kran jon kowa, hoi tu glan i rah tsiro penal, te well kowa lauter jaake.

Efesarja 5:20

Parkrenn tumen hako tsiro pash o Debleste, maro dadeste, lautereske, hoi das lo tumen! Krenn kowa an o lab maro rajestar, o Jesus Kristestar!

1. Tessalonikarja 5:18

Parkrenn tumen pash leste pral halauter! Kowa kamell o Dewel lauterendar, kai djan ap o Jesuseskro drom.

1. Timoteo 6:7

Mer anam tchi ap kai phub, un nai lah tchi peha, te merah.

Jakobo 1:17

Lauter, hoi hi mishto un latcho, wella o Deblestar an o bolepen. Job kras o kham un o tchon un i bolepangre momlia. Kolla krenn, te well diwes un rat, un jon wenn jek tsiro diklo un i wawar tsiro gar diklo. O Dewel hi gar jaake. Job atchell, har job hi.

Jakobo 5:11

Kolla hi tchatchepah bachtelo, kai rikran soreles ap o Debleste. Tumer shunan, har rikras pes o Hiob soreles ap o Debleste, un tumer djinenna, hawo brawlepen o Dewel les lauter das. O Debles hi i baro dji i menshenge un hi lenge latches.

Ruth 1:21

I pherde wastentsa djom me win, un pale mukas man o baro Dewel te well i wastentsa, kai tchi dren hi. Denn man buder gar ‘Naomi’ gole! O baro Dewel hi buder gar ap miri rig. Awa, o sorelo Dewel anas bibacht ap mande.”

1. Samuel 2:7

O baro Dewel krell tchorwelo un job krell brawelo, ko jekes krell lo tikno, un ko wawares baro.

1. Samuel 2:8

Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.

1. Samuel 3:18

Kote penas o Samuel leske lauter un rikras tchi pale. Koi penas o Eli: “Job hi o baro Dewel un job krell jaake har latcho hi.”