Hiob 1:11 - O Debleskro Drom 2021 (Sinte)

¹¹ Hoi hi, te leh tu lestar krik, hoi leskro hi? Tchatchepah palle praassell lo tut!”

O Debleskro Lab 2024 (Sinte-Manouche)

¹¹ Hoy hi, te leh tou lestar krik, hoy leskro hi? Čačepah palle praasell lo tout!”

Hiob 1:11 ပူးပေါင်းရင်းမြစ်များ

1. Mose 26:11

Koi pal penas o Abimelech ap lauterende: “Koon kol murshes ninna leskri romjat an-tapella, ko hunte merella.”

Hiob 1:12

Kote penas o baro Dewel ap o beng: “Mishto! Halauter, hoi les hi, dau an tiro wast. Les kokres ma tape an!” Pal kowa djas o beng krik o baro Deblestar.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 1:5

Un har kol diwessa trujel his, kai le chan un pijan, palle bitchras o Hiob pash lende, te wenn le pash leste. Un job stas sik taissarlakro pre, un maras hakeneske lendar i viecho, un chatchras les o Debleske, te well lengri doosh krik lino. Job penas peske: Nai djals, te lan mire mursh tchawe doosh ap pende, un rakran djungeles pral o Debleste an pengre djia. Un jaake kras o Hiob pal hako baro chapen, hoi leskre mursh tchawe kran.

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Hiob 2:5

Hade tiro wast un tape leskre kokale un leskro mass an! Palle dikeh, te praassell lo tut glan hake menshende!”

Hiob 2:6

Kote penas o baro Dewel ap o beng: “Mishto, dau les an tiro wast. Leskro djipen ma tape an!”

Hiob 2:7

Kote djas o beng win o baro Deblestar, un das o Hiobes i djungelo nasslepen ap peskro mass, hoi chandjras un dukas leske fun o shero bis tele pash i pire.

Hiob 2:9

Kote penas leskri romni ap leste: “Rikreh tu gomme ap tiro patsepen? Pen tut o Deblestar tele un mere!”

Hiob 4:5

Kanna, kai was i bibacht pral tute, nashreh tiri soor. Kanna, kai tut kowa tapras, pereh tu khetne i trashatar.

Debleskri gili 105:15

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jesaja 65:3

Kol menshe mukenn gar tele, te krenn le kowa, hoi man choirell: Jon anenn viechen i wawar deblenge ap lengre shukar platse, un chatchrenn lenge sungepaskro koowa ap barra.

Jesaja 8:21

Un jon djan an o them trujel, phares dino un bari bokah. Un palle, te hi len bari bok, taprell len i choli, un jon praassenn pengro themeskro rajes un pengro debles. Un jon dikenn pre an o bolepen

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

Debleskro tsiro 12:10

Un me shunom i sorelo rakepen an o bolepen, hoi penas: Kanna las men maro Dewel dran o bengeskro wast win. Maro Dewel sikras peskri soor, un was o rai pral i tsele menshende ap i phub. Un job das peskri tseli soor koles, kai job win rodas, te well lo o baro rai pral halauter. Tele witsedo hi ko phukepaskro, kai anas i doosh ap mare phralende glan o Debleste o diwes un i rati.

Debleskro tsiro 16:11

Lengre duka dran o djungelo nasslepen his jaake baro, kai praassan le o Debles an o bolepen. Un jon mukan gar pengro tchilatcho koowa, hoi jon kran.

Debleskro tsiro 16:21

Un das brishin har bare barra. Kolla his jaake pharo har i mensho, un peran tele dran o bolepen ap i menshende. Har i menshe sawi bari phagi lan, praassan le o Debles.

Debleskro tsiro 16:9

Un i menshe wan soreles chatchedo. Un jon praassan o Debles, kai das len koi phagi. Un jon mukan gar pengro tchilatcho drom, un sharan o Debles gar.