Hiob 1:10 - O Debleskro Drom 2021 (Sinte)

¹⁰ Tu deh jak ap leskro kheer un ap lauter, hoi les hi. Tu tchiwal tiri bacht ap lauter, hoi job an-taprell. Un leskre vieche wan bud un budeder an o tselo them.

O Debleskro Lab 2024 (Sinte-Manouche)

¹⁰ Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

Hiob 1:10 ပူးပေါင်းရင်းမြစ်များ

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

1. Mose 26:12

O Isaak tchiwas djob an i phub an ko them. Un o baro Dewel tchiwas peskri soor koi pre. Jaake las o Isaak an ko bersh sheel kope jaake bud djob, har lo an i phub tchiwras.

1. Mose 30:30

Har wom pash tute, his tut gar bud vieche. Kanna hi tut bud. O baro Dewel tchiwas peskri soor un peskri bacht ap tiro koowa – ap halauter, hoi lom an miro wast. Kanna hunte budrap ninna mange un miri familjake.”

1. Mose 30:43

Jaake was o Jakob hako diwes brawleder. Un les his bud vieche un budepangre: djuwja un mursha. Ninna bud khamele un burike his les.

1. Mose 39:5

Ap ko tsiro, har o Egiptari Potifar das peskro kheer un halauter, hoi leskro his, an o Josefeskre wasta, tchiwas o baro Dewel peskri soor un peskri bacht ap i menshende an o Potifareskro kheer. Jaake rah har o Josef koi his, his o baro Debleskri soor un peskri bacht ap halauter, hoi les his an o kheer un ap o them.

1. Mose 49:25

Tiro dadeskro Dewel well ap tiri rig. Job hi o sorelo Dewel. Job dell tut brishin dran o bolepen un pani dran i phub, ninna bud tchawe un vieche.

Hiob 1:3

Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

Hiob 29:2

Ach, te woms pale har an ko tsiro, hoi pal mande hi, har an kol bersha, kai o Dewel ap mande jak das,

Hiob 29:6

har dan mire grumja un busja budeder har doha thud, un mire djeteskre ruka jaake bud djet dan, te nashas lo har pani win dran o bar, kai wan i djeteskre drake tiknes kerdo!

Hiob 31:25

Me stom gar i bachtjatar, te was miro brawlepen baro, un mange jaake bud khetne lom.

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

Debleskri gili 107:38

Un job das len bacht, un jon wan bud un budeder. Un job das len ninna bud viechen.

Debleskri gili 34:7

Ake hi jek, kai gole das ap o baro Debleste, har leske djungeles djas, un job shunas les un las les win dran lauter, hoi leske o djipen phares kras.

Debleskri gili 5:12

Bachtele wenn kolla, kai khatrenn pen pash tute! Kolla denn gole i bachtjatar o tselo tsiro. Tu rikreh tiro wast pral lende. Doleske sanenn un giwenn le – kolla, kai tiro lab kamenna.

Debleskri gili 71:21

Tu kreh man an-diklo, un khosseh mire swa tele.

Debleskri gili 80:12

Leskre mussja djan bis pash o baro pani ap koi jek rig, un bis pash ko sorelo lengsto pani ap koi wawar rig.

Debleskri gili 90:17

Tu rai, maro Dewel, dik latches ap mende, un tchip tiri bacht ap kowa, hoi mare wastentsa krah. Awa, muk mari budi mishto te djal!

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

Jesaja 5:2

Un job rissras koi phub, un las i tsele barra krik, un tchiwas wi-rodede, latche drakengre ruka an koi phub. Un job tchiwas i turmo pre tardo mashkral dren. Un hadas i gruba win, kai wenn i drake win stakedo, te well o mool win. Un palle dikas lo ap ko tsiro, kai wenn i drake bares, – latche drake, patsas lo. Har ko tsiro was, wan diwje shutle drake baro.

Jesaja 5:5

Jaake kamau tumenge kanna penell, hoi kamau te krell ko drakengro themeha, hoi mange hi. Me kamau kol burra krik te lell, hoi trul leste hi, jaake te well lo tele chalo, un leskri massuri mukau tele te phagell, jaake te well lo khetne stakedo.

Zakarie 2:5

An i wawar dikepen dikom i terno murshes i dorjah an peskro wast, te dikell lo pal, har baro tchomone hi.

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

5. Mose 33:11

Baro Dewel, kre len sorelo! Un dik latches ap kowa, hoi le krenna! De kolen khetne, kai hadenn pen pral lende, un djan choljah ap lende pre! Muk kolen buder gar pre te stell!

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

5. Mose 7:13

Dran peskro kamlepen dell job tumen bacht un bud tchawen, ninna bud djob, mool un djet. Un tumare grumja un bakre wenna bud an o them, kolestar job glan tumare phurende pes sowel das, te dell lo les tumende.

1. Petro 1:5

kai patsenn ap leste. O Dewel rikrell tumen an peskro sorelo wast, bis te well ko diwes, kai lell tumen o Jesus Kristo dran i tseli bibacht win. Palle dikenn tumer har shukar kowa hi, hoi les tumenge hi.

1. Samuel 25:16

Jon dan jak ap mende, an i rati un pral o diwes, un kowa o tselo tsiro, kai hams pash lende un dam jak ap i bakre.