Hiob 1:1 - O Debleskro Drom 2021 (Sinte)

¹ An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

O Debleskro Lab 2024 (Sinte-Manouche)

¹ An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

Hiob 1:1 ပူးပေါင်းရင်းမြစ်များ

1. Mose 10:23

O Aram: Leskre tchawe hi: o Uz, o Hul, o Geter, un o Mash.

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 22:12

Penas o bolepaskro: “Tape kol tchawes gar an! Un kre les tchi! Kanna djinau me, kai shuneh o tselo djijeha ap o Debleste un kreh, hoi job penell. Tu rikral tiro jek tchawes mandar gar pale.”

1. Mose 36:28

O Dishan his o dad dui tchawendar: o Uz un o Aran.

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

1. Mose 6:9

Kowa hi ko liil, kai tchinlo hi pral o Noah peskre tchawentsa. O Noah his i mursh, kai latcho un tchatcho his. I tsele menshendar an ko tsiro kras job kokres kek tchilatchepen. O Noah djiwas o Debleha.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

1. Familjakro liil 1:17

O Sem: Leskre tchawe his: o Elam, o Assur, o Arpaksad, o Lud, o Aram, o Uz, o Hul, o Geter, un o Meshech.

1. Familjakro liil 1:42

O Ezer: Leskre tchawe his. o Bilhan, o Saawan, un o Akan. O Dishan: Leskre tchawe his o Uz un o Aran.

Hiob 1:8

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Hiob 4:6

Tu rikreh tuke o Debles glan i jaka pash halauter, hoi kreh, un djah o tchatcho drom. Doleske nai leh newi soor, un patseh, te well lauter pale mishto tuke.

Hiob 9:21

Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

Gosewe laba 14:16

O gosewo darella un rikrell pes pale o tchilatchepastar. O dinelo well sik chojedo un patsell, te nai djal leske kek tchilatchepen.

Gosewe laba 14:2

Kowa, kai kamell o baro Debleha te djiwell, djal o tchatcho drom. Koon tchi lestar kamell te djinell, djal ap bange dromma.

Gosewe laba 16:17

Kolla, kai ap o tchatcho drom djan, atchenn dur krik o tchilatchepastar. Koon jak dell, hawo drom job djal, kowa dell jak ap peskro djipen.

Gosewe laba 16:6

Ab latches un rike pash o Debleste, un job bistrell tiri doosh. Te djiweh leha, rikreh tut pale o tchilatchepastar.

Gosewe laba 20:7

Kowa, kai an o tchatchepen tardo hi un o Debleskro drom gar mukell, bachtelo hi leskre tchawe, kai pal leste wenna.

Gosewe laba 3:7

Ma ab gosewo an tire jaka! Muk o baro Dewel tiro rai te well, un rike tut krik i tchilatche dromma!

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Jeremia 25:20

un wi-themarja an o them Egiptia; i tsele bare raja an o them Uz; i tsele raja an kol Filistarengre forja Ashkelon, Gaza, Ekron un kolla, kai pral atchan an Ashdod;

Ropaskre gilja 4:21

Awa, san tumenge un khelenn, tumer Edomarja an o them Uz! Pash tumende well ninna ko khoro pherdo o Debleskri choli, hoi hunte pijenn, bis te wenn mato un riwenn tumen win.

Ezekiel 14:14

Ninna te wans kal triin mursha an ko them, o Noah, o Daniel un o Hiob, palle lans jon kokres pengro djipen dran o merepen win, kek wawar lentsa. Jon djiwan an o tchatchepen. Doleske loms len kokres dran o merepen win. Kawa penau me o baro Dewel, tumaro rai.

Ezekiel 14:20

un o Noah, o Daniel un o Hiob wans ninna an ko them, palle lans le gar pengre tchawen un tchen dran o merepen win. Kokres pengro djipen nai lans le dran o merepen win doleske, kai djiwan jon an o tchatchepen. Jaake dau man sowel pash miro djipen, penell o baro Dewel, maro rai.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

5. Mose 18:13

Pash tumende hunte well sawo koowa gar hatslo. Tumer han o baro Debleskre menshe.

Jakobo 5:11

Kolla hi tchatchepah bachtelo, kai rikran soreles ap o Debleste. Tumer shunan, har rikras pes o Hiob soreles ap o Debleste, un tumer djinenna, hawo brawlepen o Dewel les lauter das. O Debles hi i baro dji i menshenge un hi lenge latches.

1. Petro 3:11

Job mukell o tchilatcho koowa, un krell o latcho koowa. Peskri tseli sorjah krell lo, te djal kek tchingepen mashkral i menshende!