Haggai 2:6 - O Debleskro Drom 2021 (Sinte)

⁶ Doleske penell o baro Dewel, ko rai pral o bolepen un i phub: An i tikno tsiro krau me, te trissenn o bolepen un i phub, o baro pani un o truk them.

O Debleskro Lab 2024 (Sinte-Manouche)

⁶ Doleske penell o baro Devel, ko ray pral o bolepen oun i phoub: An i tikno tsiro krau me, te trissenn o bolepen oun i phoub, o baro pani oun o trouk them.

Haggai 2:6 ပူးပေါင်းရင်းမြစ်များ

Hiob 9:6

Job taprell ap i phub un koja trissell, Ninna i barra, hoi hidjrenn lat, trissenn.

Debleskri gili 18:7

An miri daar kharom ap o baro Debleste. Awa, bari gole dom ap miro Debleste. An peskro railo kheer shunas lo man, un miri gole was glan leskre kanda.

Debleskri gili 37:10

An i tikno tsiro hi o tchilatcho buder gar koi. Un kote, kai job djiwas, hatseh les buder gar.

Jesaja 10:25

An i tikno tsiro rissrau miri choli tumendar krik, un miri choli perell ap i menshende an o them Assur un anell lenge o merepen.

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 2:19

Ap ko diwes, kai o baro Dewel pre stell, te anell lo i traash pral i phub, khatrenn pen i menshe an i grotte, mank i bare barra un an i phub, i darjatar o baro Debleskri choljatar un glan leskro railo barepen.

Jesaja 29:17

Tchatchepah an i tikno tsiro well o weesh ap i berga Libanon i djobeskro them. Un hoi kanna i djobeskro them hi, well palle i weesh.

Jesaja 34:4

Un i tsele bolepangre momlia perenn khetne. Un o bolepen tserdell pes khetne har i liil, hoi well khetne lino. Un kol bolepangre momlia perenn tele har mule patria ap o drakengro ruk un har faige, hoi gar bares wan ap i faigetikro ruk.

Jeremia 33:14

Tchatchepah, penell o baro Dewel, ko tsiro wella, kai mukau ko latcho lab tchatches te well, hoi me penom ap o khereste Israel un ap o khereste Juda.

Jeremia 51:33

Kawa penell o baro Dewel, ko rai pral o bolepen un i phub, kai o Israeleskro Dewel hi: O foro Babilon hi har i djobeskri platsa, hoi well i pirentsa soreles stakedo, te denn le nai kote o djob win. Sik well o tsiro o foreske, kai well lo khetne stakedo.

Ezekiel 38:19

Un an miri bari un tati choli dau man sowel: Tchatchepah, an ko tsiro trissell i phub an o them Israel soreles.

Ezekiel 38:20

Un glan mande trissenn i matche an o baro pani, i tchirkle un i wawar vieche, bare un tikne, hoi djiwenn ap i phub. Ninna i tsele menshe trissenn i darjatar. Un i berge phagenn khetne, i bare barra un i massurja perenn khetne.

Bičepangre 2:19

Un me kamau baro un sorelo koowa te krap, an o bolepen un ap i phub. Tumer dikenn rat, un jag, un tampa.

Hebrearja 10:37

An o Debleskro lab hi tchinlo: Ko tsiro wella sik, kai well kowa, kai hunte wella. Job mukell pes gar ap o drom pale te rikrell. O Dewel penas: Koon ap mande patsella, kowa hi tchatcho glan mire jaka. Un job lell o djipen. Koon miro drom mukella, ap koleste dikau gar latches.

Debleskro tsiro 11:9

Un bud menshe dran hako them, haki natsjona, haki harmenatsjona un hako rakepen dikenn kol mule murshen ap o drom tchiddo triin diwessa un i paash diwes, un mukenn gar, te wenn jon paskedo.