Haggai 2:3 - O Debleskro Drom 2021 (Sinte)

³ Koon tumendar hi gomme koi, kai dikas kau kheer, har lo an peskro shukester tsiro win dikas? Un har dikenn les tumer kanna? Hi tchi leskro shukapen pral!

O Debleskro Lab 2024 (Sinte-Manouche)

³ Koon t'mendar hi gomme koy, kay dikas kava kheer, har lo an peskro shoukester tsiro vin dikas? Oun har dikenn les t'mer kanna? Hi či leskro shoukapen pral!

Haggai 2:3 ပူးပေါင်းရင်းမြစ်များ

1. Familjakro liil 22:5

O David penas peske: Miro tchawo, o Salomo, hi terno un djinell gomme gar, har te krell i kheer; ko kheer o baro Debleske hunte well jaake baro un railo, te nai well lo prindjedo un sharedo an i tsele themma. Doleske kamau me leske doha koowa koi te tchiwell. Un jaake las o David bud koowa khetne glan leskro merepen.

Esra 3:11

Un jon giwan, sharan un parkran pen pash o baro Debleste: “Job hi latcho un leskro kamlepen hi an hako tsiro pral Israel.” Un i tsele menshe dan gole i bachtjatar, har parkran le pen pash o baro Debleste doleske, kai i telstune barra leskro khereske tchiddo his.

Esra 3:12

Bud i phure rashajendar, i Levitarendar un i familjengre pralstunendar djinan, har o baro Debleskro phuro kheer win dikas. Kolla rowan soreles, har jon kanna dikan, har i telstune barra kau newo khereske tchiddo wan. Wawar dan gole i bachtjatar, jaake his, kai nai wan le dur shunlo.

Jesaja 64:10

Maro railo Debleskro kheer, kai sharan tut mare phure, chatchras i jag pre, un maro shukar koowa hi khetne stakedo tchiddo.

Ezekiel 7:20

Lengro tselo shukar koowa kras, te wan le pre-phurdo. Un jon kran pen kolestar djungele figure, chochene deblen, hoi le an-mangan. Doleske krom me, te well kau koowa lenge har tchik.

Haggai 2:9

Kau kheer te well shukeder har miro ersto kheer his. Un me kamau tumen bacht te dell an kau foro, penell o baro Dewel, ko rai pral o bolepen un i phub.