Haggai 2:22 - O Debleskro Drom 2021 (Sinte)

²² Un me witsrau i beshepangre kol themengre rajendar trujel un lau lengri soor krik. Lengre kurepangre wurdja witsrau trujel khetne kolentsa, kai koi pre beshenna. I graja un i klissepangre merenna. Jek dell o wawares mulo.

O Debleskro Lab 2024 (Sinte-Manouche)

²² Oun me vitsrau i beshepangre kol themengre rayendar trouyel oun lau lengri zoor krik. Lengre kourepangre vourdya vitsrau trouyel khetne kolentsa, kay koy pre beshenna. I graya oun i klissepangre merenna. Yek dell o vavares moulo.

Haggai 2:22 ပူးပေါင်းရင်းမြစ်များ

2. Familjakro liil 15:6

O Dewel mukas traash un hakelai bibacht pral lende te well. Jaake kuras pes jek them o wawar themeha un jek foro o wawar foreha.

2. Familjakro liil 20:22

Un har jon giwan un pen parkran, kras o baro Dewel, te lan kol wawar lurde bari daar, kol Ammonarja, Moabarja un kolla dran i berge Seir, kai wan, te kurenn len pen i menshentsa dran Juda. Un jon dan pen jek o wawares temerl.

2. Familjakro liil 20:23

I Ammonarja un i Moabarja kuran pen kolentsa dran i berge Seir, un dan len khetne. Un har jon halauteren maran dran i berge Seir, djas jek ap o wawareste, un jon dan pen kokres khetne.

Debleskri gili 46:9

Awenn un dikenn ko baro koowa, hoi o baro Dewel kras! Dareno koowa krell lo ap i phub:

Debleskri gili 76:6

I sorele mursha wan wi-tchoredo un meran. Un i kurepangre lan pengre mussja gar pre.

2. Mose 14:17

Me krau, te pandenn i Egiptarja pengre djia jaake, te lenn le tumenge palla. Un me sikrau miro barepen un miri soor ap o Farao, ap leskre wurdja un ap leskre kurepangre.

2. Mose 14:28

Un o baro pani was pale pale un tchakras i tsele wurdja un kolen, kai klissan, un i tsele rajeskre lurden, kai djan lenge mashkral o pani palla. Kolendar his kek, kai pral atchas.

2. Mose 15:19

Ap ko tsiro har o Farao un leskre graja un wurdja un kurepangre mashkral an o baro pani djan, mukas o baro Dewel o pani pral lende pale te well. I tsele Israelitarja djan ap i drom, hoi gar sapenes his, mashkral o baro pani ap i wawar rig.

2. Mose 15:4

I wurdja un i lurden, hoi o Farao bitchras, an o baro pani – mo Dewel len witsras. I sorele kurepangre, hoi ap i wurdja djan, an o Baro Lolo Pani jon lauter sik tassan.

Jesaja 19:2

Un me kamau len jek ap o wawareste pre te anell, jaake te marell pes jek phraal o wawareha, jek maal o wawareha, jek foro o wawareha, un jek them o wawareha.

Jesaja 60:12

Kol themma, kolengre menshe kamenn gar tuke te budrell, wenn paash stakedo, un lengre menshe maredo, te atchell tchi lendar pral.

Jesaja 9:19

Un lengri bok hi jaake baro, te taprenn le pal chapen ap hake rigja, un chan hako tikno kotar, un wenn gar tchalo. Hakeno krell o djipen o wawarestar paash.

Ezekiel 21:27

Ko sikepen sikrell ap i tchatchi rig un penell leske, te djal lo peskre lurdentsa an o foro Jerusalem. Kote denn le bari gole – i bari kurepaskri gole. Jon tchiwenn bare pesse rukengre kotja pash i wudja an o foreskri massuri, te denn le kolentsa i wudja dren. Ninna tchiwenn le tchik pre win trul i massuri, te nai djan le pral ap i massuri. Un jon krenn turme, te denn le karje an o foro.

Ezekiel 26:16

Un i raja an kol themma pash o baro pani stenn pengre raile beshepangre pre, un djan lendar tele, un riwenn pengre kutch baja un shukar gada win, un riwenn paash koola an. Un beshenn ap i phub un mukenn gar tele te trissell.

Ezekiel 38:21

Un me dau o charo gole, te well lo pral o Gog ap mire tsele berge, penell o baro Dewel, maro rai. Leskre lurde djan pengre charentsa jek ap o wawareste pre.

Ezekiel 39:20

Chan i grajen un i klissepangren, i pralstunen un i tsele lurden! Chan tumen tchalo ap miri chapaskri! Kawa penell o baro Dewel, maro rai.

Daniel 8:25

Peskro goswepah chochell lo bud menshen. Un job phurdell pes pre un djal ap budende un marell kolen, kai patsenn, te krell lo lenge tchi. Un ninna hadell lo pes pral o pralstuno rajeste. Un palle well job phagedo kek mensheskro wasteha.

Amos 2:15

Kolla, kai denn karje, hunte tserdenn pen pale, sikede naashepangre wenn dren lino, un klissepangre nashrenn pengro djipen.

Micha 5:10

Un tire forja dau paash, un tire tsele sorele khera phagau tele.

Micha 5:8

Israel, hade tiro wast pral halauterende, kai kurenn pen tuha, te atchell kek lendar djido!

Micha 5:9

O baro Dewel penell: An ko tsiro lau tumare grajen krik, un tire wurdja dau khetne.

Micha 7:16

te dikenn kolla an i wawar themma, hoi menge kreh, un hunte ladjenn pen an pengri tseli soor. Lenge atchell o rakepen krik, un jon kamenn buder tchi te shunell.

Zefanja 3:8

Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.

Zakarie 10:11

Te djan le darjah mank o baro pani, tradau me o pani pale. Un o lengsto pani Nil, ninna te djal lo dur tele, well truk. Un me rikrau o pre-phurdo them Assur tele. Un o them Egiptia hi buder gar o rai pral wawar themma.

Zakarie 10:5

I menshe an o them Juda wenn soreles har bare kurepangre, kai stakrenn kolen tele an i tchik ap o drom, kai kurenn pen lentsa. O baro Dewel hi lentsa an o kurepen. Ninna i klissepangre hunte tserdenn pen pale glan lende.

Zakarie 12:9

“An ko tsiro”, penell o baro Dewel, “rodau te marap kol tsele natsjonen, kai djan an o kurepen o foreha Jerusalem.

Zakarie 14:3

Palle djal o baro Dewel win, te kurell job pes jaake kol lurdentsa dran i wawar themma, har kuras lo pes peskre menshenge an i phure tsirja.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

Zakarie 9:10

O baro Dewel penell: Me lau i kurepangre wurdja krik dran o them Israel, un i kurepangre graja dran Jerusalem. Un i kurepangre boge wenn phagedo. Tumaro baro rai lell o tchingepen krik mank i natsjone. Job hi o rai fun jek baro panjestar bis ap o wawar, fun o panjestar Eufrat bis an i dureder themma ap i tseli phub.

Mateo 24:7

I pralstune pral bare themma kurenn pen i wawar pralstunentsa. Un i menshe dran jek them marenn kolen an i wawar them. An bud themma hi i menshen gar doha te chal. Un kate un kote well i phub trisslemen.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Čačepangre 7:22

Un har kol triin sheel mursha an pengre phurdepangre phurdan, kras o baro Dewel, te kuras pes ap i platsa hakeno hakeneha. Un jon lauter nashan bis pash o foro Bet-Shitta ap o drom pash o foro Zereda, un ninna bis pash o foro Abel-Mehola pash o foro Tabbat.

1. Samuel 14:16

Un kol mursha, kai jak denn pash o Saul an o foro Gibea an o them Benjamin, kal mursha dikan, har i Filistarja nashan jek rigjatar ap i wawar.