Haggai 2:19 - O Debleskro Drom 2021 (Sinte)

¹⁹ An tumare djobengre khera atchell doha djob. I drakengre ruka hidjrenn pale drake, i faigetikre ruka hidjrenn faige, i granatikre phabjengre ruka hidjrenn phabja, un i djeteskre ruka hidjrenn djeteskre drake. Kau diwesseha tchiwau miri bacht un miri soor ap tumaro them.

O Debleskro Lab 2024 (Sinte-Manouche)

¹⁹ An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

Haggai 2:19 ပူးပေါင်းရင်းမြစ်များ

1. Mose 26:12

O Isaak tchiwas djob an i phub an ko them. Un o baro Dewel tchiwas peskri soor koi pre. Jaake las o Isaak an ko bersh sheel kope jaake bud djob, har lo an i phub tchiwras.

Hiob 39:12

Nai patseh leske, te anell lo tiro djob khere ap tiri djobeskri platsa?

Debleskri gili 133:3

Kawa hi jaake har o taissarlakro pani, hoi i berga Hermon tele nashella ap i berge Zion! Kote kamell o baro Dewel peskri bacht te dell, un o djipen, hoi hako tsiro atchella.

Debleskri gili 84:12

Maro baro Dewel hi o kham maro djipaske. Job rikrell peskre wasta pral mende. O baro Dewel dell men latchepen un railepen. Kolen, kai o djijestar ap leste shunenna, dell lo hako latchepen, hoi len hunte wella.

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Jeremia 31:14

I rashaja wenn pale tchalo o feteder massestar. Un mire menshenge dau budeder har doha chapaske, penell o baro Dewel.

Joel 1:12

I drakengre ruka hi truk. i faigetikre ruken hi buder kek patria. Ninna ap i phabjengre ruka un palmtikre ruka, har ap i tsele diwje ruka hi buder kek patria. Un dran o bachtelo tsiro was i menshenge i bibachtelo tsiro.

Joel 2:14

Koon djinell, te rikrell lo ninna kau kopo i phagi pale, un mukell djob un drake bares te well, te nai anenn tumer jarro un mool o baro Debleske, kai hi tumaro Dewel.

Haggai 1:11

Doleske penom, te well kek brishin pral tumaro them, pral i berge, pral o them, kai o djob, i drake un i djeteskre ruka bares wenna, un pral halauter, hoi dran i phub well, ninna pral i menshende un i viechende. Kowa, hoi tumare wastentsa krenn, djal tumenge buder gar mishto.

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.

Mateo 6:33

Mukenn o Debles o rai pral tumende te well, un krenn lauter, hoi job kamella! Un o Dewel dell tumen lauter, hoi tumen hunte well djipaske.

5. Mose 15:10

De leste o djijestar! Ma ab bokelo! Palle dell tut tiro baro Dewel bacht an halauter, hoi kreh un tiro wast an taprell.

5. Mose 28:22

Job bitchrell tumen sawo nasslepen, hoi chal tumen pre, tumaro mass well lolo un tato, un i fibro chatchell an tumende. Un job rikrell o brishin pale an tumaro them. Un i tato ducho krell, te well o djob nasselo un merell tele. Un kowa halauter well pral tumende bis te mulo han.