Haggai 2:17 - O Debleskro Drom 2021 (Sinte)

¹⁷ Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.

O Debleskro Lab 2024 (Sinte-Manouche)

¹⁷ Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

Haggai 2:17 ပူးပေါင်းရင်းမြစ်များ

1. Mose 42:23

Jon djinan gar, kai o Josef lengro rakepen haiwas. Job rakras lentsa an o egiptikro rakepen. Un i wawar penas lenge, hoi job penas.

1. Mose 42:27

Ap koi platsa, kai jon i rati atchan, kras jek lendar peskro gono pre, te dell lo leskri burika te chal. Un job dikas, kai kol lowe an leskro gono hi.

1. Mose 42:6

Un o Josef his o rai pral o them Egiptia un bikras djob ap kol menshende an ko them. Har leskre phrala wan, witsran pen le tele glan leste o mujeha ap i phub.

1. Rajengro liil 8:37

Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

2. Familjakro liil 28:22

Ninna te his ko tsiro jaake pharo o baro rajeske Ahas, anas lo i budeder doosh ap peste glan o baro Debleste.

2. Familjakro liil 6:28

Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

Hiob 36:13

Kolla, kai kamenn tchi o Deblestar te djinell, rikrenn pengri choli an lengre djia. Ninna te dell o Dewel len i phagi, denn le gar gole, te well lo lenge ap i rig.

Debleskri gili 128:2

Tu chah kolestar, hoi tire wasta budran. Mishto tuke! Tuke djal latcho.

Debleskri gili 78:46

Lengro djob chan i stepangre pre. Kolla chan lauter, hoi ap lengri phub bares was.

Jesaja 28:2

O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

Jesaja 37:27

Un kolla kai kote djiwan, pengri soor jon nashran, un tutar trashan un palle meran. Lenge djas har o senlepen, hoi dran i truk phub was, un har o khass ap o kheer, hoi tele meras, un gar baro was.

Jesaja 42:25

Kote mukas lo peskri bari choli pral mende te well, un mukas men an i sorelo kurepen te well. Leskri choli his trul mende trujel har i jag, un mer haiwam kowa gar. Ninna har chatchras men leskri choli, lam kowa gar an mare djia.

Jesaja 62:8

O baro Dewel das pes sowel un das peskro tchatcho wast pre, un hadas peskri soreli mussi, un penas, te dell kek tsiro buder, kai mukell lo kolen tiro djob te chal, kai kurenn pen tuha, un witar gar i menshen dran wawar themma tiri mool te pijell, kolake tu jaake phares budral.

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Jeremia 3:24

Har mangam ko djungelo debles Baal an, nashram lauter, hoi mare phure penge khetne lan, har terne hams: bakre, grumja, tchawe un tcha.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Amos 4:6

Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Haggai 1:11

Doleske penom, te well kek brishin pral tumaro them, pral i berge, pral o them, kai o djob, i drake un i djeteskre ruka bares wenna, un pral halauter, hoi dran i phub well, ninna pral i menshende un i viechende. Kowa, hoi tumare wastentsa krenn, djal tumenge buder gar mishto.

Haggai 1:6

Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

Haggai 1:9

Tumer kamenn bud, un gar bud hi, hoi lenn tumer. Un te kamenn kowa khere te anell, lau les tumendar. Hoske kowa? penell o baro Dewel, ko rai pral o bolepen un i phub. Miro kheer hi paash dino un tchiddo an kotja. Un hakeno tumendar dikell kokres ap peskro kheer.

Haggai 2:16

Te was jek tumendar kote, kai i djob tchiddo hi, un kamas dui-sheel kilogramme te lell, hatsas job gar budeder har jek sheel kilogramme. Te was jek tumendar kote, kai i mool garedo well, un kamas sheel litarja te lell, hatsas lo gar budeder har star-deesh litarja.

Maleachi 3:11

Un me rikrau i stepangren dur krik tumari phubjatar, te chan le gar kowa pre, hoi kote baro was. Un tumare drakengre ruka wenn pherde drake. Ko penell o baro Dewel, ko rai pral o bolepen un i phub.

5. Mose 28:22

Job bitchrell tumen sawo nasslepen, hoi chal tumen pre, tumaro mass well lolo un tato, un i fibro chatchell an tumende. Un job rikrell o brishin pale an tumaro them. Un i tato ducho krell, te well o djob nasselo un merell tele. Un kowa halauter well pral tumende bis te mulo han.

Debleskro tsiro 2:21

Me dom lat tsiro, te nai mukell li peskro tchilatcho drom. Un joi kamell gar peskro djungelo koowa te mukell.