Haggai 1:8 - O Debleskro Drom 2021 (Sinte)

⁸ Djan ap i berge un lenn kasht, un krenn miro kheer shukar! Kowa hi mange mishto, un jaake wau sharedo, penell o baro Dewel.

O Debleskro Lab 2024 (Sinte-Manouche)

⁸ Djan ap i berge oun lenn kasht, oun krenn miro kheer shoukar! Kova hi mange mishto, oun yaake vau sharedo, penell o baro Devel.

Haggai 1:8 ပူးပေါင်းရင်းမြစ်များ

1. Rajengro liil 6:1

An o starto bersh, har o Salomo o baro rai pral Israel his, an o tchon Siw, kowa hi o duito tchon an o bersh, kran pen i budepangre o Salomestar ap i budi, te krenn le o baro Debleskro kheer. Kowa his 480 (star-sheel-te-ochta-deesh) bersha pal kowa, kai i Israelitarja dran o them Egiptia djan.

1. Rajengro liil 9:3

Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

2. Familjakro liil 7:16

Me rodom kau kheer win, te well lo miro kheer, te wap kote an-mangedo hako tsiro. Un me dau garda koi pre. Kote krau miro dji tumenge pre an i tsele diwessa.

Esra 3:7

Un jon dan lowe kol murshen, kai budrenn i barrentsa un kol murshen, kai budrenn o kashtentsa. Ninna dan le chapen un pipen un djet kol murshen dran Sidon un Tirus, te nai anenn le Zedertikro kasht dran o Libanon pral o baro pani an ko foro Jafo. Kowa lauter kran le jaake har les lenge o Kirus, ko rai pral Persia penas.

Esra 6:4

un well dran djudje dine barra jaake kerdo, te wenn triin barra jek ap o wawar tchiddo, un koi pral kasht, un palle pale triin barra jek ap o wawar, un koi pral kasht, un jaake dureder. Un i lowe koleske lautereske nai well dran o baro rajeskro kheer lino.

2. Mose 29:43

Kote wau pash i Israelitarja. Un miro railepen well mantsa an ko kheer. Un jaake well o kheer miro kheer.

Jesaja 60:13

Kutch kasht dran o shukar weesh ap i berge Libanon well pash tute anlo, te well miro kheer shukar kerdo. Un jaake sikrau, har railo kai platsa hi, kai tardo hom.

Jesaja 60:7

I tsele bakre dran Kedar un Nebajot wenn anlo pash tute, te wenn le maredo un chatchedo o baro Debleske, te dikell lo latches ap tute. Un jaake krell o baro Dewel peskro railo kheer gomme shukeder.

Jesaja 66:11

Kanna nai wenn tumer tchalo leskro brawlepastar, jaake har pijell pes i ternepen tchalo pash peskri date, un pijell bachteles jaake bud thud har nai pijell lo.

Haggai 1:7

Kawa penell o baro Dewel, ko rai pral o bolepen un i phub: Haiwenn, hoske tumenge jaake djala!

Haggai 2:7

Awa, i menshenge an i tsele themma lau i soor krik. Un lengro kutch koowa well kate anlo, un me krau miro kheer pherdo railepen. Ko penell o baro Dewel, ko rai pral o bolepen un i phub.

Haggai 2:9

Kau kheer te well shukeder har miro ersto kheer his. Un me kamau tumen bacht te dell an kau foro, penell o baro Dewel, ko rai pral o bolepen un i phub.