Haggai 1:6 - O Debleskro Drom 2021 (Sinte)

⁶ Tumer budrenna ap tumari phub, un anenn gar bud dren. Tumer chan un wenn gar tchalo; tumer pijenn un tumari trush atchella; tumer riwenn tumen latches an, un tumenge well gar tates. Un kones lowe hi, kowa tchiwell len an i possita, kai i cheb dren hi.

O Debleskro Lab 2024 (Sinte-Manouche)

⁶ T'mer boudrenna ap t'mari phoub, oun anenn gar boud dren. T'mer rhan oun venn gar čalo; t'mer piyenn oun t'mari troush ačella; t'mer rivenn t'men lačes an, oun t'menge vell gar tates. Oun kones love hi, kova čivell len an i possita, kay i rheb dren hi.

Haggai 1:6 ပူးပေါင်းရင်းမြစ်များ

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

1. Rajengro liil 17:12

Kote penas li: “Pash o baro Debleste, tiro djido Debleste, man hi kek peklo chapen. Tchi har i wast pherdo jarro an i piri un i roi pherdo djet an o khoro hi man. Ake, jek, dui kotja kasht, hoi hadom pre. Kanna djau khere un krau mange un miro tchaweske i chapen, te chas. Un palle hunte meras.”

Nehemia 5:2

His sawe koi, kai penan: “Mer un mare tchawe un tcha ham bud! Mer hunte ginas djob, te hi men chapaske jaake te nai djiwas!”

Hiob 20:22

An ko tsiro, kai les an lauter budeder har doha hi, well i daar pral leste. I phari bibacht dell les tele.

Hiob 20:28

Leskro tselo brawlepen an leskro kheer well krik lino – ap ko diwes, kai well o Debleskri choli pral i tchilatchende har diwje panja.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Gosewe laba 11:24

Kote hi jek, kowa dell un dell; un job lell budeder un budeder. Un kote hi i wawar, kowa hi tchinlo un dell tchi; un well tchorwleder.

Jesaja 5:10

Ap deesh hektarja drakengro them wenn drake bares, hoi denn gar budeder har ochta litarja mool. Un sheel kilogramme djob, hoi wi-witsedo wan an i phub, anenn gar budeder har deesh kilogramme djob.

Jeremia 12:13

Mire menshe tchiwan djob an i phub, un subjengro senlepen lan le khetne. Jon maran pen tele, un lan tchi dran lengri phari budi. Lauter his tchitcheske! His koi bari choli o baro Deblestar, hoi kras lauter paash.

Jeremia 14:4

I phub hi truk un dell gole pal brishin. Doleske hi kol hachenge ropaske, un khatrenn pengro mui.

Jeremia 44:18

Har mukam tele, te chatchrell sungepaskro koowa i bolepaskri rajetsake, un tchoram lake buder kek mool win, koi his men buder gar doha chapaske un wam o chareha un i bokatar maredo.

Hosea 4:10

Tumer mukan man, o baro Debles, te djan wawar deblenge palla. Doleske chana un wenn gar tchalo, djan bud djuwjentsa un lenn gar bud tchawe.

Hosea 8:7

Kowa, hoi le krenn, hi har te tchiwans le i ducho an i phub un kek djob. Un hoi win well, hi i baro phurdepen. Kek djob well baro. Kowa hoi pre djal, anell kek jarro. Un te anals kowa jarro, wans wawar menshe un chans les pre.

3. Mose 26:20

Tumari phari budi hi tchitcheske. Ap tumari hachetikri phub well tchi bares. Un i ruka an o them hidjrenn kek rukengre.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

Haggai 1:10

Doleske well dran o bolepen kek pani, un dran i phub well kek senlepen.

Haggai 1:5

Doleske penell o baro Dewel, ko rai pral o bolepen un i phub: Denn garda har tumenge djala:

Haggai 1:7

Kawa penell o baro Dewel, ko rai pral o bolepen un i phub: Haiwenn, hoske tumenge jaake djala!

Haggai 1:9

Tumer kamenn bud, un gar bud hi, hoi lenn tumer. Un te kamenn kowa khere te anell, lau les tumendar. Hoske kowa? penell o baro Dewel, ko rai pral o bolepen un i phub. Miro kheer hi paash dino un tchiddo an kotja. Un hakeno tumendar dikell kokres ap peskro kheer.

Haggai 2:16

Te was jek tumendar kote, kai i djob tchiddo hi, un kamas dui-sheel kilogramme te lell, hatsas job gar budeder har jek sheel kilogramme. Te was jek tumendar kote, kai i mool garedo well, un kamas sheel litarja te lell, hatsas lo gar budeder har star-deesh litarja.

Haggai 2:17

Me rikrom o brishin pale, tumaro djob meras tele, brishineskre barra mukom ap tumari hachetikri phub te perell. Pal ko tselo koowa wan tumer gar pale pash mande, un mangan tumen gar tele pash mande.

Zakarie 5:4

O baro Dewel, ko rai pral o bolepen un i phub, penell, ko praassepen te well pral o tchorepaskro kheer un an o kheer kolestar, kai dell pes i chocheno sowel an o lab o baro Deblestar. Ko liil atchell an lengre khera, un chal len pre, ninna lengro kasht un lengre barra.”

Zakarie 8:10

Bis kanna his kek lowe koi, te plaissrenn le murshen pengre viechentsa lengri budjake. Un kolla, kai djan win un dren an o foro, hunte daran pengro djipaske. Hakeno djas ap o wawareste pre.

5. Mose 28:17

Bibacht well ap tumaro djob, te well tumen gar doha maro te chal.