Habakuk 2:9 - O Debleskro Drom 2021 (Sinte)

⁹ Djungeles djal tuke, kai tu chochepah tiro brawlepen khetne aneh! Ap tiro kheer well bibacht. Pral ap i berga kral tu tiro kheer, te nai well kek bibacht pral tute!

O Debleskro Lab 2024 (Sinte-Manouche)

⁹ Djungeles djal touke, kay tou rhorhepah tiro bravlepen khetne aneh! Ap tiro kheer vell bibarht. Pral ap i berga kral tou tiro kheer, te nay vell kek bibarht pral toute!

Habakuk 2:9 ပူးပေါင်းရင်းမြစ်များ

Debleskri gili 49:11

Na-a, mer dikah: O gosewo hunte merell, jaake har o narwelo un o dinelo ninna. Un lauter, hoi len his, hunte mukenn le pale i wawarenge.

Debleskri gili 52:7

Doleske phagell tut ninna o Dewel hako tsireske. Job stakrell tut khetne, witsrell tut win dran tiro kheer, lell tut krik kai phubjatar, kai djiwah.

Jesaja 28:15

Tumer penan: “Mer kram win o merepah un o mulengro themeha, te was menge tchi. Ninna te wenn i lurde dran wawar themma har i baro sorelo pani pral mende, wenn le gar sorleder har mer.” Tumer patsenn, te nai khatrenn tumen pal tumare chochene laba un pal ko chochepen, hoi kran.

Jesaja 5:8

Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

Jeremia 17:11

Har i diwji kachni, kai beshell pes ap i jare, kai gar lakre hi, jaake djal koleske, kai lell peske brawlepen khetne chochepah. An o feteder tsiro nashrell lo peskro brawlepen, un hi koi tardo har i narwelo.

Jeremia 22:23

Kanna hi tiro baro rai beshdo ap i berga Libanon, un mukell peske mishto te djal an khera dran zedertikro kasht. Sik well koi phagi pral leste. Un palle dell lo gole i dukatar, har i djuwel, kai lell i ternepen.

Jeremia 51:13

Tu foro, kai hal kote, kai bare panja hi, tu, kai tut baro brawlepen hi, tiro tsiro hi trujel, tiro djipaskro thab well tele tchinlo.

Jeremia 51:53

Ninna te stakrals o foro Babilon pral an o bolepen, un te krans le pengre massurja jaake baro, te nai stakrals kek pral wergel, bitchrau me marepangre, kai wenn pral lende. Kowa penell o baro Dewel.

Ezekiel 22:27

Tire pralstune hi har diwje djukle, kai marenn, un hi boklo pal rat. Jon marenn menshen, te lenn le lengro koowa penge.

Obadja 1:4

Te krals tu ninna tiro kheer dur pral ap i berga har i adlari, jaake te dikell kowa win, har te wals tiro kheer mashkral i bolepangre momlia, djiness, me witsrau tut tele, penell o baro Dewel.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.