Habakuk 2:3 - O Debleskro Drom 2021 (Sinte)

³ Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.

O Debleskro Lab 2024 (Sinte-Manouche)

³ Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Habakuk 2:3 ပူးပေါင်းရင်းမြစ်များ

2. Rajengro liil 6:33

Har job lentsa an o rakepen his, was o baro rai pash leste un penas: “O baro Dewel anas kai bibacht pral mende. Har nai dikau me kanna ap leste, te lell lo men koi win?”

Debleskri gili 102:13

Tu, baro Dewel, atcheh hake tsirenge, tut denn le an-gole an ko tsiro, hoi wella.

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

2. Mose 12:41

Un har kal bersha trujel his, ap ko diwes, djan o baro Debleskre menshe win dran o them Egiptia.

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre jaka o Jakobeskre menshendar.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Ezekiel 12:25

Me, o baro Dewel, penau ap tumende! Kowa, hoi me rakrau, well ninna, un well an i tikno tsiro. Tumenge, kai mukenn tumen tchi te penell, penau me: Jaake rah har tumer djiwenn, krau, te well tchatcho, hoi penom. Kawa penau me, o baro Dewel, tumaro rai.

Ezekiel 30:9

An kau tsiro bitchrau murshen win, kai djan ap i shiffe an o them Etiopia. Kolla, kai kote djiwenn, patsenn, te well lenge kek tchilatchepen. Te wenn mire bitchepangre un penenn lenge, har o themeske Egiptia djas, taprell len i bari daar. Te shunenn le, kai Egiptia paash hi, trissenn le i darjatar. Tchatchepah, kau diwes wella!

Daniel 10:14

Kanna wom me, te penap tuke, hoi tire menshenge djal an kol diwessa, kai wenna, un kanna gomme dur glan mende hi. Ninna kau dikepen well tchatcho an o tsiro, kai gomme dur krik hi.”

Daniel 11:27

Un kol dui bare raja hi ap tchilatchepen win. Un jon beshenn pen ap jek chapaskri un rakrenn khetne. Un lengro rakepen hi chochepen. Kowa, hoi le penge glan lenn, djal lenge gar. Ko diwes hi gomme gar koi, kai o tsiro kai phubjake trujel hi.

Daniel 11:35

Un mank kol gosewe hi sawe, kai wenn maredo, te wenn bud wawar soreles an o patsepen, un lengre djia djudjo kerdo o Debleske. Kowa djal jaake jek tsireske, bis ko diwes wella, kai o tsiro kai phubjake trujel hi.

Daniel 8:17

Un o Gabrijel was pash mande, kai me tardo homs. Un i daar tapras man jaake soreles, te perom ap i phub. Job penas ap mande: “Tu mensho, de jak un shun! Kowa hoi dikal, kowa hi ko tsireske, kai o tsiro kai phubjake tele nashell.”

Daniel 8:19

Un job penas ap mande: “Shun, me kamau tute te sikrell, hoi well an ko tsiro, kai o Debleskri choli pral i menshende well. Kowa hi ko tsiro, kai o tsiro kai phubjake tele nashell.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Micha 7:7

Me kamau te dikap ap o baro Debleste, un rikrau man ap leste, te well lo ap miri rig. Miro Dewel shunell miri gole.

Zefanja 3:8

Doleske djinenn, penell o baro Dewel, ko diwes well, kai wau me, un rakrau o tchatchepen win pral i phub. Me lom mange glan, te anap i menshen khetne dran wawar themma ap i phub, te tchorap miri choli pral lende win. Awa, miri soreli choli, hoi chatchell har i jag, well pral i tseli phub un chal lat pre.

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

Louka 2:25

Ap ko tsiro djiwas an o foro Jerusalem i mursh. Leskro lab his Simeon. Kowa patsas ap o Debleste, un djiwas jaake, har o Dewel kowa kamas. Un job dikas ap ko tsiro, kai lell o Dewel i bibacht i Israeleskre menshendar krik. O Simeon his pherdo Debleskro Ducho.

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Bičepangre 17:26

Ko Dewel kras ko jek menshes, o Adames. Kolestar wan i tsele menshe an hake themma ap i phub. Job das len i tsiro, har rah jon djiwenna, un ninna an hawo them jon djiwenna.

Galatarja 4:2

Job hi an i wasta kolendar, kai denn garda ap leste, bis te well ko tsiro, kai leskro dad penas, te lell job ko brawlepen.

2. Petro 2:3

Kol chochene sikepangre kamenn tumen chochene labentsa ap pengri rig te anell, te lenn le lowe tumendar. O Debleskri choli well tchatchepah pral lende, un lengri bibacht wella sik.

2. Petro 3:9

Hi menshe, kai penenna: “O rai Jesus lell pes bud tsiro, te well lo pale.” Kowa hi gar tchatcho. Les hi i baro dji tumenge, un kamell, te djal kek tumendar nashedo. Job kamella, te mukell hakeno peskro tchilatcho drom un well ap o Debleskro drom.